Edwein 45:7 - AHYERƐLƐ KRONGRON

⁷ Ekuro tenenee, na ekyi amumuyɛɛ. Ɛhe ati yeɛ Nyameɛ, wɔ Nyameɛ ne, wafa anika ngoo wapopa wɔ maa wabo wɔ mmango mɔ deɛ so ɔ.

Edwein 45:7 Iomraidhean Croise

1 Ahemvo 19:16

Afei koso, popa Nimisi awa Yehu ngoo fa ye si Yisrael so hene, ná Elisa bɔ ye baba ole Safate bɔ ofi Abel Mehola ne, popa ye ngoo ma osi wɔ gya nu ɔyɛ ngɔmhyɛlɛniɛ.

Edwein 101:8

Ngyerɛmɔ biala, ngohũhũ aseɛ ne aso bɔnefoɛ amukoraa, amaa ɔnate so matu amumuyɛɛfoɛ amukoraa bɛ bo mafi AWURADE kuro ne anu.

Edwein 11:7

Ofikyɛ AWURADE te teneneeniɛ, okuro bra bɔ ɔtengyɛ ɔ; na sona bɔ ɔtengyɛ ne, okonwu AWURADE nyunu.

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 21:6

Amba, ɛmaa onya saleɛ piri afebɔɔ, na anika bɔ onya ye wɔ wɔ nyunu ne ati, ɛma ye nye gye.

Edwein 33:5

AWURADE nye gye teneneeyɛlɛ ne ndɛenbualɛ turoloo nwo; na AWURADE ɔdɔ bɔ onni ngasi ne wayi aseɛ ye aso tɛkyɛ.

Edwein 89:20

Manwu me somvoɛ Dawide, mafa me ngoo krongron ne mapopa ye.

Edwein 89:26

Okose me kyɛ, ‘Wɔ yeɛ ɛte me baba, me Nyameɛ ne me ngoalelɛ Nyɔbotaen ɔ!

Edwein 99:4

Ɛhene piri bɔ ekuro ndɛenbualɛ turoloo ɔ, ama pɛpɛɛpɛyɛlɛ bo atimu, ama ndɛenbualɛ turoloo ne tenenee wagyina wɔ Yakob nu.

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Lewitikɔso 8:12

Ohwiele ɛpopalɛ ngoo ne bie guale Aarɔn ti afia na ɔpopale ye ngoo fa tele ye nwo.

Mateo 3:15

Yeɛ Yesu buale ye kyɛ, “Ma ate maa yɛyɔ ye sɔ kekesaala ye, na yɛyɔ bɔ Nyameɛ ahyehyɛ ne.” Yiti Yohane penene so.

Mateo 7:23

Na ɛhe yeɛ ngɔpakye nu ngose bɛ kyɛ, ‘Menze ɛmɔ koraa, ɛ́mɔfi me so bɛhɔ, ɛmɔ bɔ ɛmɔyɔ bɔ ɔndengyɛ ɔ!’

Luka 13:27

Na okose kyɛ, ‘Mekã mekyire ɛmɔ kyɛ, menze nekaa bɔ ɛmɔfi ɔ. Ɛ́mɔfi me so bɛhɔ, ɛmɔ amukoraa bɔ ɛmɔyɔ bɔ ɔndengyɛ ɔ!’

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Yohane 1:16

Ɔnate ye adom totohyia ne aso yeɛ yɛ mukoraati yanya adom mmorosoɛ ɔ.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

Asomafoɛ 2:28

Ahyire me ngoa atee; na ɔnate kyɛ ɛne me wɔ berɛ ne ati, ngonya anika mmorosoɛ.’

Romanfoɛ 8:29

Bɛ bɔ onwuni bɛ siele ne, osa tuli bɛ siele berɛ, kyɛ benya Ɔwa ne sue ne bie, amaa ɔnate so wayɛ aliɛmaa mɔ pee nu bamuɛbaa.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Hebrifoɛ 1:9

Ekuro tenenee, na ekyi amumuyɛɛ. Ɛhe ati Nyameɛ, wɔ Nyameɛ aye wɔ; wafa anika ngoo wapopa wɔ maa wabo wɔ mmango mɔ deɛ so.”

Hebrifoɛ 2:14

Na ɔnate kyɛ mmaa nemɔ te anwoɔnaen ne mogya ne ati, Yesu bɔbɔ yɛle ye nwo kyɛ bɛ ala, ɔfale sɔ sona sue ne bie, amaa ɔnate ye wue ne aso wasɛkye abɔnzam bɔ ye yeɛ ole ewue so tumi ne;

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

1 Samuel 16:13

Afei Samuel fale ɛpopalɛ ngoo towaa ne, na ohwiele ngoo ne guale Dawide ti so wɔ oliɛma nemɔ anyunu berɛ. Na ofi sɔ kyẽa ne bɔ ɔkɔ ne, AWURADE Sunzum kanyane Dawide paa. Afei Samuel sili nu hɔle Rama.