Edwein 45:3 - AHYERƐLƐ KRONGRON

³ Ao Tuminiɛ, fa wɔ ngrandɛ wura bɔha nu si wɔ taku so, wɔ w’animnyam ne w’ahennie nu animnyam ne anu.

Edwein 45:3 Iomraidhean Croise

YOB NWOMAA NE 1:16

Ye noa wɔ so bɔ odwudwo ne, sona foforɛ wale ɔɔbɔle amaneɛ kyɛ, “Nyameɛ see afi nyameɛso watete wagua wayera mmoaen ne somvoɛ nemɔ wahũ bɛ. Me ngome twe yeɛ manya me ti madidi nu bɔ mebaabɔ wɔ amaneɛ ye.”

Edwein 104:1

Ao me kra, ye AWURADE ayɛ. Ao AWURADE me Nyameɛ, ɛte piri paa. Afa animnyam ne ahennie nu animnyam ahera.

Edwein 145:12

kyɛ bɛkɔma adasa mmaa bekonwu wɔ nnwumaa mbiri mbiri nemɔ, ɔne w’ahennie animnyam hyireinn ne.

Edwein 145:5

W’ahennie animnyam bɔ ɔta hyireinn ne w’anwanwadeɛ nemɔ, bɛ yeɛ medwenedwene bɛ nwo ɔ.

Edwein 21:5

Wɔ ngoalelɛ ti, ye animnyam te piri; na afa anidie ne ahennie alo ye.

Edwein 21:7

Ofikyɛ ɛhene ne wafa ye nwo wato AWURADE so, na Anwuro Anwuro Nyameɛ, ye ɔdɔ bɔ onni ngasi ne ati, ongofĩ ase.

Edwein 96:6

Anidie ne animnyam wɔ ye nyunu, na tumi ne nyemene wɔ ye nekaa krongron berɛ.

Edwein Nu Dwein 2:3

Kyɛbɔ aprɛ te wɔ eburo mmakaa mɔ nu ne, sɔ ala yeɛ me kurofoɛ ne ɔte wɔ mmerandeɛ mɔ nu ɔ. Ndenane ye bo fɔnwoo ne anu wɔ anika nu, na ye mma ne, wabie wagua me gye abo.

Edwein Nu Dwein 5:13

Ye mvoka te kyɛ ngofie bɔ balualua ayirefona wɔ so bɔ otu fona ɔ. Ye noa te kyɛ sukooko bɔ ɔpepe korobo nzue ɔ.

Yesaya 49:2

Ɔmane me noa dwirɛ yɛle kyɛ ngrandɛ nnaennaen, ɔfale me feale ye sa bo fɔnwoo nu, ɔfale me yɛle agyaen anoa tworɔntworɔn, na ɔfale me siele ye ndokue nu.

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Romanfoɛ 14:9

Ɛhe ati yeɛ Kristo wuli na otingyele ɔ, amaa wayɛ awufoɛ ne teasefoɛ b’Awurade.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

Hebrifoɛ 8:1

Edwirɛ bɔ yɛkã ne, porɛ bɔ ogyi so paa ɛhe: ɔsɔfo panyi paa sɔaa yeɛ yɛle ye ɔ, na ɔte Tuminiɛ n’ahennie bia ne famaa so wɔ nyameɛso.

Yuda 1:25

Nyameɛ komapɛ bɔ ɔnate y’Awurade Yesu Kristo so ɔte yɛ Ngoadefoɛ ne, animnyam, ahennie, anwoserɛ ne tumi ɔyɛ ye deɛ daa, kekesaala ne afebɔɔ. Amen.

Nyekyire 1:16

Né otira nzramaa nzoo wɔ ye sa famaa nu, na sɛpɔ nnaennaen fili ye noa nu fitele, na ye nyunu te kyɛ eyia bɔ ɔbɔ gyireingyirein ɔ.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 19:21

Na bɛ ngaa ne de, bɔ ɔte pɔngɔ ne aso ne ngrandɛ noa yeɛ bɛtotɔle ɔ, ngrandɛ bɔ ofi ye noa nu ba ne; na nnomaa mukoraa belili bɛ naen mane bɛ ko yili.

Maenbulɛfoɛ 3:16

Ehude yɔle sɛpɔ bɔ ye tendenn te agyirɛ ko ɔ. Ɔkyekyele sɛpɔ ne batale ye sɔ famaa anwo, na owurale ye ataadeɛ guale so.