Edwein 45:10 - AHYERƐLƐ KRONGRON

¹⁰ Ao mma brasua, tie bɔ mekã ye, ná dwene ye nwo; ma wɔ wora fi wɔ mmenia ne wɔ baba awuro ama,

Edwein 45:10 Iomraidhean Croise

Gyenesise 12:1

Na AWURADE sele Abram kyɛ, “Tu fi wɔ maen nu, w’abusuafoɛ nu, ɔne ɛse awuro, ná kɔ aseɛ bɔ mebaahyire wɔ ne aso.

Gyenesise 2:24

Yiti bienzua kofi ɔse ne oni anwo, ná waafa ye nwo wabata ɔye, na bayɛ anwoɔnaen ko.

1 Ahemvo 9:28

Bɛhane ɛlɛen nemɔ bɛhɔle Ofire bɛɛtɔle esikaa kɔkorɛ kilo apee buru ne nna bɛbrɛle Nana Solomon.

Numeri 10:30

Nakoso Hobabo buale ye kyɛ, “Mengɔhɔ, na mmom mesa mekɔ me bɔbɔ me maen nu ne m’abusuafoɛ dɔ.”

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Mateo 19:29

Na ebiala bɔ me dumaa ti wayakyi awuro mɔ, anaa aliɛmaa mmienzua, anaa aliɛmaa mmrasua, anaa seɛ, anaa niɛ, anaa mmaa, anaa aseɛ mɔ berɛ nen, okonya ye nwo mmɔhoɛ ɛyaa, na okonya daa ngoa.

Luka 14:26

“Sɛ ebie ba me berɛ, ná ɔmbɔ ɔse ne oni, ɔye ne ye mma, oliɛma mmienzua ne oliɛma mmrasua, ɔne ye bɔbɔ ye ngoa a, ngɔhora ngɔyɛ me suaniɛ.

2 Korintofoɛ 5:16

Yiti ofi ɛnɛ bɔ ɔkɔ ɔ, yɛmva dasaniɛ adwene yɛnzusu kyɛbɔ sona si te ɔ, na sɛ sɔ yeɛ daa ne yɛfa yɛsusuli Yesu a, ɛnɛ de yɛnyɔ ye sɔ ko.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Deuteronomi 21:13

Afei maa ogyi ye nnure tena ne gua, ná maa ɔtena w’awuro berɛ osũ ɔse ne oni bosome ko mumua. Na ɛhe asi ne, ɛkora ne ye bɛda, ná ayɛ ohu amaa ye koso wayɛ ɛye.

Deuteronomi 33:9

Ye bɔ ɔhane edwirɛ fale ɔse ne oni nwo kyɛ, ‘Memva bɛ menyɛ huu’; obuli ye nye guale oliɛma mɔ so, na ɔpole ye mma mɔ. Ofikyɛ Lewifoɛ lele wɔ dwirɛ bɛtole nu, na belili w’apam ne aso.