Edwein 44:5 - AHYERƐLƐ KRONGRON

⁵ Wɔ tumi yeɛ yɛfa yɛdi yɛ pɔfoɛ mɔ so ngonim ɔ, na wɔ dumaa nu yeɛ yɛtiatia bɛ bɔ bedwɔso betia yɛ ɔ so ɔ.

Edwein 44:5 Iomraidhean Croise

1 Ahemvo 22:11

Bɛ nu ko bɔ ye ole Kenaana awa Sedekia ne, ɔyɔle buralɛ mmɛen mɔ fale, na ɔhane kyɛ, “AWURADE nwa, ‘Mmɛen hemɔ yeɛ ɛkɔfa kɔpemo Siriafoɛ maa okoodwu kyɛ ekohũhũ bɛ ɔ.’ ”

Edwein 108:13

Sɛ AWURADE boka yɛ so a, yɛkoli ngonim; ye yeɛ okotiatia yɛ pɔfoɛ mɔ so ɔ.

Edwein 5:3

Ao AWURADE, ngyerɛmɔ ɛte me komvi, ngyerɛmɔ mefa me dwirɛ meto wɔ nyunu, na menwondɛ wɔ mmuayɛɛ.

Edwein 60:12

Sɛ AWURADE boka yɛ so a, yɛkoli ngonim; ye yeɛ okotiatia yɛ pɔfoɛ mɔ so ɔ.

Edwein 91:13

Ɛkɔnate gyata ne ɛbɔnaa so, na ekotiatia gyata akrɔngrɔma ne sasrabɔnzam so.

Yesaya 33:22

Ofikyɛ AWURADE yeɛ ɔte yɛ ndɛenbualɛniɛ ɔ, AWURADE yeɛ ɔte yɛ mmeraahyɛlɛniɛ ɔ, AWURADE yeɛ ɔte yɛ hene ɔ, na ye yeɛ ɔkɔpepɛ kole yɛ ɔ.

Daniel 8:4

Nwuni boaen nyii ne kyɛ osisi ɔkɔ eyia atɔleɛ ne sorɔ ne ngwaen. Kaka biala angora ye nyunu gyina, yeɛ ebiala nne berɛ bɔ ɔhora pepɛ lele ebie fili ye sa nu ɔ. Ɔyɔle bɔ okuro ɔ, na ɔmomane ye nwo so.

Sakaria 10:5

Na bɛkɔyɛ kyɛ katakyie mɔ bɔ betiatia bɛ pɔfoɛ mɔ so wɔ mmorɔnoɛ so nnɛterɛ nu wɔ koɛ nu ɔ. Bɛkɔho koɛ, ofikyɛ AWURADE gyi bɛ si, na pɔngɔhanɛfoɛ bɔ bɛtete pɔngɔ so ɔ bɛ nyunu kogua ase.

Romanfoɛ 16:20

Na ɔngɔhyɛ koraa asomdwee Nyameɛ ne kɔbɛtɛ Abɔnzam wɔ ɛmɔ gya bo. Y’Awurade Yesu Kristo ɔlo ɛmɔ.

Deuteronomi 33:17

Ɔte kyɛ nandwie nyii bamuɛbaa, ole animnyam, ye mmɛen te torɔen mmɛen, ɔfa mmɛen ne si maen maen mɔ toonn, maa bɛ mukoraati bekogua aseɛ noa dɔ. Mmɛen nemɔ ole Efraim mmenia apee buru ne, yeɛ Manase mmenia apee apee ne.”

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.