Edwein 44:3 - AHYERƐLƐ KRONGRON

³ Nna bɛ bɔbɔ bɛ ngrandɛ yeɛ bɛfa bɛhone belele aseɛ ne ɔ, yeɛ nna bɛ bɔbɔ b’anwoserɛ yeɛ ɔmaa belili ngonim ɔ; na mmom wɔ sa famaa ne, w’anwoserɛ ne, ɔne wɔ nyunu kanea bɔ ɔbokale bɛ ne ɔ, ofikyɛ ekuro bɛ dwirɛ.

Edwein 44:3 Iomraidhean Croise

2 Samuel 7:23

Maen beni yeɛ ɔwɔ aseɛ ye aso bɔ ɔte kyɛ wɔ maen Yisrael ɔ? Yisrael bɔ Nyameɛ ɔɔpɔle ye fa yɛle ye maen, bɔ ɔnate so Nyameɛ dumaa trɛle, bɔ yiti Nyameɛ foane maen maen mɔ ne bɛ nyameɛ mɔ fili ye mmenia nyunu, ná ɔyɔle nningyein mbiri mbiri ne anwanwadeɛ mane bɛ ne.

2 Aberɛso Dwirɛ 20:7

Yɛ Nyameɛ, aso nna wɔ yeɛ ɛfoane mmenia bɔ né bɛte aseɛ ye aso fili wɔ maen Yisrael nyunu, ná ɛfa mane wɔ damvo Abraham ye boso ama afebɔɔ ɔ?

Edwein 111:6

Wala ye nnwumaa tumi ali wahyire ye maen, ofikyɛ wafa maen maen mɔ b’agyapadeɛ wama ye maen.

Edwein 17:7

Wɔ ɔdɔ bɔ onni ngasi ne, ye ye ali kyire me wɔ atee bɔ ɔyɛ nwanwa ɔ so; bɛ bɔ bɛnwati befi bɛ pɔfoɛ mɔ sa nu bɛbafea wɔ berɛ ne, wɔ yeɛ ɛfa wɔ sa famaa ɛpepɛ ede bɛ ɔ.

Edwein 20:6

Afei, manwu kyɛ AWURADE boka ye sona bɔ wapopa ye ngoo ne; otie ye sufrɛ wɔ ye nyameɛso krongron dɔ, na AWURADE ye anwoserɛ asaa famaa ne ɔpepɛ de ye.

Edwein 4:6

Mmeni pee yeɛ bebisa kyɛ, “Nwa yeɛ ɔkɔmaa yɛkonwu yɛ bɔ ɔte paa ɔ?” Ao AWURADE, ma w’adom ne ɔta wɔ yɛ so!”

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 42:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 74:11

Nzu ati yeɛ ahwe w’anwoserɛ asaa ne asa ye? Nzu ati yeɛ afa wɔ sa ne agua wɔ hue so ye?

Edwein 77:15

Wɔ maen bɔ ye ole Yakob ne Yosef boso ama ne, ɛfale wɔ tumi asaa ne yeɛ ɛpepɛ lele bɛ ɔ. Sela

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Edwein 80:16

Bafa see bayera ye, bapɛ bato ase; sɛ wɔ nye boro bɛ so a, bewuwu!

Edwein 80:9

Esiesiele aseɛ ne aso mane ye, otirale ndii, na ɔtrɛtrɛ katale aseɛ ne aso.

Ɛksadɔso 15:16

Ahunundetelɛ ne ɛserɛ atɔ bɛ so; ɔnate wɔ tumi asaa ne ati, bayɛ dinn kyɛ nyɔboɛ, kɔpem kyɛ, O AWURADE, wɔ mmenia kɔpɛ nu kɔhɔ ɔ, kɔpem kyɛ mmenia bɔ ale bɛ ne kɔpɛ nu kɔhɔ ɔ.

Yesaya 63:12

Ye bɔ ɔmane ye animnyam asaa ne oolili Mose famaa so, ná ɔne ye bɛnatele ne, ye bɔ ɔpakyele nzue ne anu wɔ bɛ nyunu ɔfa nyane dumaa afebɔɔ mane ye nwo ne;

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Numeri 14:8

Sɛ AWURADE do yɛ a, aseɛ he bɔ nyɔfonesue ne woɛ tengyɛ wɔ so ye, ɔkɔfa yɛ kɔhɔ so ná wafa wama yɛ.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

Deuteronomi 10:15

nakoso AWURADE fale wɔ nana mɔ ngome wurale ye kunu, na ɔneaneane nu yele ɛmɔ bɔ bɛte bɛ bosofoɛ ne fili mmenia mukoraati nu, kyɛbɔ kekesaala ye ɔte ye.

Yosua 24:12

Nzomane kotokuradu mɔ maa belili ɛmɔ nyunu, na bɛfoane Amorifoɛ ahemvo nyɔ nemɔ befili ɛmɔ nyunu. Nna wɔ ngrandɛ anaa w’agyaen yeɛ ɛfa yɔle sɔ ɔ.

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

1 Samuel 12:22

Na ɔnate AWURADE dumaa piri ne ati, ɔngɔye ye sa ngofi ye mmenia bo, ofikyɛ ɔyɛle AWURADE fɛ kyɛ ɔkɔfa ɛmɔ kɔyɛ ye mmenia ɔ.