Edwein 44:2 - AHYERƐLƐ KRONGRON

² Wɔ bɔbɔ deinn wɔ tumi yeɛ ɛfa foane maen maen nemɔ ɔ, nakoso yɛ nana mɔ de, ɛfale bɛ ɛɛtenane aseɛ ne aso; ɛpraprale amaneɛ guale maen maen nemɔ aso, nakoso yɛ nana mɔ de, ɛbɔle bɛ atenaseɛ.

Edwein 44:2 Iomraidhean Croise

2 Samuel 23:12

Nakoso Sama de, oogyinane eboo ne afia bɔle eboo ne nwo waen, na ohuhuni Filistifoɛ nemɔ. Na AWURADE maa olili ngonim kandinga.

2 Samuel 7:10

Asa koso, ngɔma me maen Yisrael nekaa maa ɔkɔtena. Ngɔbɔ bɛ atenaseɛ wɔ bɛ bɔbɔ b’aseɛ so, bɔ ebiala ngɔha bɛ ko, bɔ amumuyɛɛfoɛ ngɔhyɛ bɛ so ko, kyɛbɔ bɛyɔle ye daa

Edwein 105:44

Ɔfale maen maen mɔ b’aseɛ mane Yisraelfoɛ, ɔmane Yisraelfoɛ bɛ sa hane bɔ maen maen nemɔ bafɛ banya ɔ,

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Ɛksadɔso 10:2

Na ɔnate so ɛkɔha kyɛbɔ masi magoro Misraimfoɛ nwo, ɔne nzɛngyerɛnneɛ bɔ mayɔ ye bɛ berɛ kohyire ɛwa ne w’anomaa. Na ɛhe kɔmaa ekonwu ye kyɛ me ole AWURADE.”

Ɛksadɔso 15:17

Ɛkɔfa bɛ kɔwa, ná aabɔ bɛ atenaseɛ wɔ wɔ bɔbɔ wɔ bokaa ne aso, nekaa bɔ afa ayɛ w’atenaleɛ ne, O AWURADE, nekaa krongron bɔ afa wɔ sa asiesie ne, O AWURADE.

Ɛksadɔso 15:19

Mmerɛ bɔ Faro mbɔngɔ mɔ, ye teaseɛnam mɔ ne ye pɔngɔhanɛfoɛ hɔle ɛpo ne anu nen, AWURADE mane ɛpo nzue ne sale ye si oobu fale bɛ so; nakoso Yisraelfoɛ de, bɛfale aseɛ wosee so wɔ ɛpo ne afia.

Ɛksadɔso 23:28

Ngɔsoma kotokuradu mɔ maa bekoli wɔ nyunu, na bɛkɔfoa Hiwifoɛ, Kanaanfoɛ ne Hitifoɛ bekofi wɔ nyunu.

Ɛksadɔso 34:11

Di bɔ ɛnɛ méhyɛ wɔ ne aso. Tie, ngɔfoa Amorifoɛ, Kanaanfoɛ, Hitifoɛ, Perisifoɛ, Hiwifoɛ ne Yebusifoɛ ngofi wɔ nyunu.

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Numeri 13:32

Yiti bɛfale aseɛ bɔ bɛɛtetɛle ne nwo amaneɛ tɛɛ bɛɛbɔle Yisraelfoɛ kyɛ, “Aseɛ bɔ yɛɛtetɛle yɛhyinini so ne, ɔte aseɛ bɔ ɔngye aleɛ mma so ama nnya bie benni ɔ. Na mmenia bɔ yɛnwuni bɛ berɛ ne, bɛ mukoraa bɛte kwabranoa paa.

Deuteronomi 32:7

Kaye daa tete ne, ná nea afoɛ bɔ wapɛ nu wahɔ ɔ; bisa wɔ baba, na okohyire wɔ; bisa wɔ mbanyi mɔ, na bɛkɔhã bekohyire wɔ.

Deuteronomi 4:38

Na ɔfoane maen maen bɔ bɛ mbiri ne b’anwoserɛ tra wɔ ɔ fili wɔ nyunu, kyɛ ɔ́fa wɔ batena b’aseɛ so, ná ɔfa ma wɔ maa ɔyɛ wɔ deɛ, kyɛbɔ kekesaala ye ɔte ye.

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

Yosua 10:42

Yosua lili ahemvo hemɔ amukoraa ne b’aseɛ so ngonim wɔ koɛ komapɛ anu, ofikyɛ AWURADE Yisrael Nyameɛ yeɛ ɔho mane Yisrael ɔ.

Yosua 11:23

Yiti Yosua ho fale aseɛ ne amukoraa, kyɛbɔ edwirɛ amukoraa bɔ AWURADE ha hyirele Mose te ne. Na Yosua hyehyɛle nu mane Yisraelfoɛ maa ɔyɛle b’agyapadeɛ, na ɔfale abusua kure biala ye bue deɛ mane ye. Na asomdwee wale aseɛ ne aso bɔ koɛ anzi ɔ.

Yosua 21:43

Yiti aseɛ bɔ AWURADE tale ye nwo ndaen hyirele Yisraelfoɛ bɛ nana mɔ kyɛ ɔkɔfa kɔma bɛ ne, ɔfale ye mukoraa mane bɛ; na bɛfale aseɛ ne bɛtenane so.

Yosua 24:12

Nzomane kotokuradu mɔ maa belili ɛmɔ nyunu, na bɛfoane Amorifoɛ ahemvo nyɔ nemɔ befili ɛmɔ nyunu. Nna wɔ ngrandɛ anaa w’agyaen yeɛ ɛfa yɔle sɔ ɔ.

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

Maenbulɛfoɛ 6:13

Yeɛ Gideon buale ye kyɛ, “Me mene, sɛ AWURADE gyi yɛ si a, nzu ati yeɛ amaneɛ he amukoraa atoto yɛ ye? Ye anwanwadeɛ mbiri mbiri bɔ yɛ nana mɔ hane ye nwo dwirɛ hyirele yɛ kyɛ, ‘Aso nna AWURADE yeɛ ɔyele yɛ fili Misraim’ ne, bɛ wɔ ni? Kekesaala ye de, AWURADE aye ye sa yɛ bo, na wafa yɛ wawura Midian sa.”