Edwein 44:12 - AHYERƐLƐ KRONGRON

¹² Atɔne wɔ mmenia bɔ anne huu ɔ, amva bɛ anne nyɔboɛ serɛ biala.

Edwein 44:12 Iomraidhean Croise

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Yeremia 15:13

“Ɔnate wɔ bɔne amukoraa bɔ ayɔ ye wɔ w’aseɛ ne aso amukoraa ne ati, ngɔfa w’anwonyadeɛ ne wɔ sikaa ngɔhyɛ maa bɛkɔfẽ ye mbaen.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.

Deuteronomi 4:27

AWURADE kɔbɔ ɛmɔ kɔsande kɔhɔ maen maen nemɔ aso, na ɛmɔ nu kãa bie yeɛ bekonya ngoa wɔ maen maen bɔ AWURADE kɔhwe ɛmɔ kɔhɔ so ne aso ɔ.

Nyekyire 18:13

ɛsaa, pɛprɛ, ɛyɛɛ, krobo, ayirefona, nzaa, ngoo, esam paa, atokoɔ, nyɛmmoa, mmoaen, mbɔngɔ, teaseɛnam mɔ, nganga ne mmenia kra.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 3:8

Yiti AWURADE fɛle Yisrael so yaa. Ɔfale bɛ wurale Mesopotamia hene Kusan Risatim sa, na Yisraelfoɛ sole Kusan Risatim afoɛ mmɔtwɛ.