Edwein 44:10 - AHYERƐLƐ KRONGRON

¹⁰ Amaa yanwati yafi yɛ pɔfoɛ ne nyunu, na yɛ pɔfoɛ mɔ bafe yɛ nningyein bafa.

Edwein 44:10 Iomraidhean Croise

Edwein 60:12

Sɛ AWURADE boka yɛ so a, yɛkoli ngonim; ye yeɛ okotiatia yɛ pɔfoɛ mɔ so ɔ.

Edwein 89:39

W’apam bɔ ɛne wɔ somvoɛ bayɛ ne, afa ato ahameɛ, ye ahennie abotire ne, agyi ato ase agua ye nwo fiɛ.

Edwein 89:41

Bɛ bɔ bɛpɛ nu berɛ bɛkɔ ne, bɛfẽ ye nningyein; wayɛ ngorohoɛ dwirɛ wɔ ye mmango nu.

Edwein 89:43

Afei koso, ama ye ngrandɛ noa atiri, na angyina ye si wɔ koɛ nu.

Yesaya 10:14

Me sa ahã maen maen mɔ b’agyapadeɛ mɔ, kyɛbɔ sona ye sa kã anomaa saen ɔ. Na kyɛbɔ sona sesa saen nu ngyiremvua bɔ anomaa atu ayakyi ye berɛ ne, sɔ ala yeɛ masesa aseɛ amukoraa mabɔ so ɔ; ebiala angora ye ndaa nu bɔ, wangora ye noa nu bukye, anaa wangora sũ kyee kyee.”

Yesaya 10:6

Maen bɔ benzuro Nyameɛ yeɛ masoma ye kyɛ ɔɔhwe bɛ so ɔ, mahyɛ ye kyɛ ɔɔhwe maen bɔ mafɛ ye so yaa piri paa ne so, kyɛ ɔɔfẽ ye nningyein ɔfa yɛ koɛ nu nzesadeɛ, ná otiatia bɛ so te kyɛ dwaaso nnɛterɛ.

Yeremia 15:13

“Ɔnate wɔ bɔne amukoraa bɔ ayɔ ye wɔ w’aseɛ ne aso amukoraa ne ati, ngɔfa w’anwonyadeɛ ne wɔ sikaa ngɔhyɛ maa bɛkɔfẽ ye mbaen.

Yeremia 20:8

Ofikyɛ mmerɛ biala medwudwo a, odi kyɛ metea nu, metea nu kyɛ, “Basabasayɔlɛ ne Ɛsɛkyelɛ oo!” Ɔnate AWURADE dwirɛ ti, me nyunu gua ase, na bɛsere me daa biala.

Lewitikɔso 26:14

“Nakoso sɛ ɛmɔanyɛ sotie bamma me, ná ɛmɔanni mmeraa dwirɛ hemɔ amukoraati so,

Lewitikɔso 26:17

Ngotu me nye ngosie ɛmɔ so, na ɛmɔkɔtotɔ ɛmɔ pɔfoɛ mɔ ngrandɛ noa. Ɛmɔ pɔfoɛ mɔ koli ɛmɔ so, na ɛmɔkɔnwati wɔ aberɛ bɔ ebiala ɔmvoa ɛmɔ ɔ.

Numeri 14:42

Nnɛma ɛmɔsi nu bɛkɔ, ofikyɛ AWURADE aye ye sa wafi ɛmɔ bo. Nnɛmɔma ɛmɔ nwo ate ma ɛmɔ pɔfoɛ mɔ kuku ɛmɔ.

Numeri 14:43

Ofikyɛ Amalɛkefoɛ ne Kanaanfoɛ kɔfa koɛ kɔtoa ɛmɔ wɔ dɔ, na ɛmɔkɔtotɔ ngrandɛ noa. Ɔnate kyɛ ɛmɔayɛ AWURADE nwo lɔen ne ati, AWURADE ngogyina ɛmɔ si.”

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

Yosua 7:12

Ɔnate sɔ ne ati yeɛ Yisraelfoɛ bɛngora bɛ pɔfoɛ mɔ nyunu gyina ɔ; bɛnwati befi bɛ pɔfoɛ mɔ nyunu, ofikyɛ bayɛ mmenia bɔ matu bɛ masie berɛ kyɛ ɔsɛ kyɛ beku bɛ ɔ. Mengogyina ɛmɔ si ko, sana nningyein bɔ matu masie berɛ kyɛ behũ bɛ ná bɛsɛkye bɛ ne, ɛ́mɔye befi ɛmɔ nu.

Yosua 7:8

Mesrɛ wɔ ala, AWURADE, afei bɔ Yisrael wanwati wafi ye pɔfoɛ mɔ nyunu ye, nzikyɛ dwirɛ koraa yeɛ nga ɔ?

1 Samuel 4:17

Na bɔfoɛ ne buale kyɛ, “Yisrael anwati afi Filistifoɛ nyunu, ɛlɔen ne koso bɛ nu pee atotɔ, Hofini ne Finehase bɔ bɛte wɔ mma nyɔ ne koso bawu, yeɛ Nyameɛ apam alaka ne koso bale bafi Yisrael sa nu bahɔ.”