Edwein 43:4 - AHYERƐLƐ KRONGRON

⁴ Na ngɔhɔ Nyameɛ afɔleɛ bokyea ne anwo, ngɔhɔ Nyameɛ bɔ ɔte m’anigye mmorosoɛ ne berɛ; ao Nyameɛ, me Nyameɛ, ngɔbɔ sangoo ngɔye wɔ ayɛ.

Edwein 43:4 Iomraidhean Croise

2 Samuel 6:5

Na Dawide ne Yisrael awuro ama amukoraa bɛfale sangoo, adengum, akasaa, donno ne firikyiwa bɛfale b’anwoserɛ mu bɛtole dwein begole abilie wɔ AWURADE nyunu.

Edwein 26:6

Menwunzi me sa mefa mekyire kyɛ menni fɔ, na mepɛ w’afɔleɛ bokyea ne anwo mebra meyia, ao AWURADE;

Edwein 33:2

Ɛ́mɔfa sangoo bɛye AWURADE ayɛ; ɛ́mɔfa sangoo bɔ ye nyamaa buru ne bɛto ye nwo anigye dwein.

Edwein 42:6

Me kra aboto wɔ me nu, yiti mekaye wɔ mefi Yɔɔdan ne Hɛmɔn aseɛ so, ɔne Misa bokaa so.

Edwein 57:8

M’animnyam, tingye! Sangoo ne adengum, ɛ́mɔtingye! Me koso ngotingye alebahyene.

Edwein 57:9

Ao AWURADE, ngɔfa asennaa ngɔma wɔ wɔ maen maen mɔ nu; ngɔto wɔ nwo ayɛyelɛ dwein wɔ maen nemɔ anu.

Edwein 63:2

Amba, manwu wɔ wɔ nekaa krongron berɛ, bɔ menea wɔ tumi ne w’animnyam ɔ.

Edwein 81:2

Ɛ́mɔkenga edwein, ɛ́mɔwoso akasaa ne, ɛ́mɔbɔ sangoo fɛɛfɛɛ ne adengum ne.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Romanfoɛ 5:11

Nna ɛhe angome, na mmom yɛnate y’Awurade Yesu Kristo bɔ wasiesie yɛ ne Nyameɛ afia ne so yanya anika wɔ Nyameɛ nu.

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.