Edwein 43:2 - AHYERƐLƐ KRONGRON

² Ofikyɛ wɔ yeɛ ɛte Nyameɛ bɔ menwati mebafea wɔ nu ɔ; na nzu ati yeɛ apo me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?

Edwein 43:2 Iomraidhean Croise

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

Edwein 140:7

Ao AWURADE, me Mene, me Defoɛ anwoserɛniɛ, ɛfa akokyɛm wura me ti wɔ koɛ kyẽa.

Edwein 28:7

AWURADE te m’anwoserɛ ne m’akokyɛm, ye yeɛ me nye la ye so ɔ; yiti ɔboka me, na me nye gye. Ngɔfa me dweintolɛ ngɔla ye ase.

Edwein 31:4

Ye me fi ngaen bɔ basua bafea me ne anu, ofikyɛ wɔ yeɛ ɛte m’anwoserɛ ɔ.

Edwein 42:10

Me pɔfoɛ mɔ b’anyinga bɔ bɛkã me ne, ɔte kyɛ kena wɔ me wereɛ nu, na daa bebisa me kyɛ, “Wɔ Nyameɛ ne, ɔwɔ nisua?”

Edwein 42:9

Mebisa AWURADE bɔ ɔte me nyɔbotaen ne kyɛ, “Nzu ati yeɛ wɔ wora afi me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?”

Edwein 44:9

Nakoso afei de, apo yɛ agua yɛ nyunu ase, na ɛne yɛ koɛhonɛfoɛ nemɔ bɛngɔ koɛ ko.

Edwein 71:9

Me nworowaa nu, nnɛyakyi me nu; sɛ menyi meyɛ mmerɛ a, nnɛpo me.

Edwein 77:7

Aso AWURADE kɔpo me afebɔɔ bɔ ongonwu me anwumvoin ko ɔ?

Edwein 88:15

Ofi me ngwadaa nu yeɛ manwu amaneɛ, bɔ ewue li me mvanvando ɔ; manwu amaneɛ piri wɔ wɔ sa nu, na meteetee.

Edwein 94:14

Ofikyɛ AWURADE ngɔye ye sa ngofi ye maen bo, yeɛ ɔngɔpo ye agyapadeɛ.

Ɛksadɔso 15:2

AWURADE te m’anwoserɛ ne me dwein, na wayɛ me ngoadefoɛ. Ɔte me Nyameɛ, na ngɔye ye ayɛ, me baba Nyameɛ ɛne, na ngɔma ye so.

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Sakaria 10:12

Ngɔmaa bekogyina pindinn wɔ AWURADE nu, na ye dumaa nu yeɛ bɛkɔnate ɔ,” AWURADE noa dwirɛ ɛne.

Ɛfesofoɛ 6:10

Bɔ ɔpɛ ye bo ɔ, aliɛmaa mɔ, ɛ́mɔma ɛmɔ nwo yɛ se wɔ Awurade nu, ɔne ye anwoserɛ tumi ne anu.

Filipifoɛ 4:13

na mekora meyɔ nnningyein amukoraa wɔ Kristo bɔ ɔma me anwoserɛ ne anu.