Edwein 42:9 - AHYERƐLƐ KRONGRON

⁹ Mebisa AWURADE bɔ ɔte me nyɔbotaen ne kyɛ, “Nzu ati yeɛ wɔ wora afi me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?”

Edwein 42:9 Iomraidhean Croise

Edwein 13:1

Ao AWURADE, na kyinzu? Aso ɛkɔma wɔ wora kofi me afebɔɔ anaa? Ɛkɔye wɔ nye kɔfea me maa okoodwu kyinzu?

Edwein 18:2

AWURADE te me nyɔbotaen, m’anwoserɛ afealeɛ ne me defoɛ, me Nyameɛ, me nyɔbotaen bɔ mebɔ me nwo waen wɔ wɔ nu ɔ, me buralɛ ataadeɛ ne me ngoalelɛ anwoserɛ ɔne m’anwoserɛ afealeɛ.

Edwein 28:1

Ao AWURADE, wɔ yeɛ mesu mefrɛ wɔ ɔ, me nyɔbotaen, nnɛtuatua wɔ so bɔ ɛngɔtɛ me so ɔ, ofikyɛ sɛ andɛ me so a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 38:6

Me nu akondo, nna ayanga pakayaa, na daa biala medi aworabɔlɛ.

Edwein 43:2

Ofikyɛ wɔ yeɛ ɛte Nyameɛ bɔ menwati mebafea wɔ nu ɔ; na nzu ati yeɛ apo me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?

Edwein 55:3

ɔnate me pɔfoɛ mɔ bɛ dede ne ati, ɔne bɔnefoɛ mɔ bɛ ndaneanyeɛ ne ati. Ofikyɛ bɛmaa menwu amaneɛ, na bele ɛyaa bɛpɔ me.

Edwein 62:2

Ye ngome yeɛ ɔte me nyɔbotaen ne me ngoalelɛ ɔ, m’anwoserɛ afealeɛ ɛne; hwee ngopusu me.

Edwein 77:9

Aso Nyameɛ wora afi kyɛ ɔkɔlo sona ɔ? Aso wafɛ yaa maa wayakyi ye anwumvoinnwunɛ ne anaa? Sela

Edwein 78:35

Afei bɛkayele kyɛ Nyameɛ yeɛ ɔte bɛ nyɔbotaen ɔ, na Anwuro Anwuro Nyameɛ yeɛ ɔte bɛ Defoɛ ɔ.

Edwein 88:9

Aworabɔlɛ ama me nye mmaa apakye. Ao AWURADE, daa mesu mefrɛ wɔ; metrɛ me sa nu mebɔ mbaeɛ mekyire wɔ.

Edwein 92:3

mmerɛ bɔ bɛbɔ sangoo bɔ ye nyamaa buru ɔne adengum ne, odi kyɛ bɛfa sangoo bɛto dwein.

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Yesaya 40:27

O Yakob, nzu ati yeɛ ɛnwa, O Yisrael, nzu ati yeɛ ɛkã kyɛ, “Atee bɔ nnate so ne, ɔmva AWURADE nwo, yeɛ me Nyameɛ abu ye nye wagua so bɔ onni me dwirɛ mma me ɔ”?

Yesaya 49:15

“Aso brasua ye wora kɔhora kofi ɔwa bɔ otua nyɔfone noa, bɔ yeɛ ongonwu ye kunu ba anwumvoin ɔ? Yoo, sɛ sɔ mmrasua nemɔ bɛ wora fi po a, me de, me wora ngofi wɔ.