Edwein 42:5 - AHYERƐLƐ KRONGRON

⁵ Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 42:5 Iomraidhean Croise

YOB NWOMAA NE 13:15

Sɛ oku me po a, ye yeɛ ɔte m’anyelasoɛ ɔ, nakoso me ne ye yɛkɔbɔ kuro.

Edwein 35:14

kyɛ ebiaa mesu me damvo anaa nniɛma bie; nzili me ti ase nnili aworabɔlɛ, kyɛ ebie bɔ osũ oni ɔ.

Edwein 37:7

Yɛ konn wɔ AWURADE nyunu, ná to wɔ bo ase nwondɛ ye. Sona bɔ ɔnate ye bɔbɔ ye atee so onya ye nwo, yeɛ sona bɔ ɔdwene nikyee tɛɛ nwo, ná ɔyɔ ne, nnɛma ye nwo adwenedwene tɔ wɔ so.

Edwein 38:6

Me nu akondo, nna ayanga pakayaa, na daa biala medi aworabɔlɛ.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 43:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu e? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 44:3

Nna bɛ bɔbɔ bɛ ngrandɛ yeɛ bɛfa bɛhone belele aseɛ ne ɔ, yeɛ nna bɛ bɔbɔ b’anwoserɛ yeɛ ɔmaa belili ngonim ɔ; na mmom wɔ sa famaa ne, w’anwoserɛ ne, ɔne wɔ nyunu kanea bɔ ɔbokale bɛ ne ɔ, ofikyɛ ekuro bɛ dwirɛ.

Edwein 56:11

Nyameɛ yeɛ mefa me wora mewura ye nu ɔ, yiti menzuro hwee; nzikyɛ yeɛ kuro sona kɔhora kɔfa kɔyɔ me ɔ?

Edwein 56:3

Sɛ esuronyi tɔ me so a, mefa me wora mewura wɔ nu.

Edwein 61:2

Sɛ m’abasa nu bu a, mvi aseɛ noa dɔ yeɛ mesu mefrɛ wɔ ɔ. Di me nyunu fa me kɔ nyɔbotaen bɔ ɔwale tra me ne anwo,

Edwein 71:14

Nakoso me de, ngonya anyelasoɛ daa, na ngɔhɔ so ngɔye wɔ ayɛ.

Edwein 77:3

Sɛ mekaye Nyameɛ a, me wora bɔ, medwene ye dwirɛ nwo, na me sunzum boto. Sela

Yesaya 30:29

Ɛmɔkɔto dwein bɔ ɔte kyɛ aluolue krongron dwein bɔ ɛmɔto ye kɔngɔen ne; na ɛmɔ nye kɔgye kyɛbɔ ɛmɔhu aweɛn besi nu bɛkɔ AWURADE bokaa ne aso, Yisrael Nyɔbotaen ne aso ɔ.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Numeri 6:26

AWURADE ɔ́te ye nyunu hyire wɔ, ná ɔma wɔ asomdwee.’

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 26:38

Afei osele bɛ kyɛ, “Me kra wora abɔ paa kɔ ewue nu. Ɛmɔtena wa, ná ɛmɔ ne me wɛne.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.