Edwein 41:1 - AHYERƐLƐ KRONGRON

¹ Sona bɔ ɔdwene anwumvoinniɛ nwo ne, onya saleɛ. AWURADE pepɛ de ye wɔ ye amaneɛnwunɛ mmerɛ nu.

Edwein 41:1 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 34:19

Teneneeniɛ amaneɛ ɔsone, nakoso AWURADE pepɛ de ye fi ye mukoraa nu.

Edwein 37:19

Mmerɛ bɔ ɔtte mayee nu, bɛ nyunu ngogua ase, na ɛhɔen piri ba a, aleɛ kobu bɛ so.

Edwein 37:26

Onwu anwumvoin daa, na ofia ye kunu fa nikyee fɛmo, na ye boso ama benya saleɛ.

Anyandera 14:21

Bɔ obu ye mmango animtia ne, ɔte bɔne, nakoso bɔ ɔdo sona bɔ ɔyɛ anwumvo ne, onya saleɛ.

Anyandera 16:14

Ɛhene ahonehulɛ te ewue bɔfoɛ, nakoso nworɛniɛ ma ahone ne tɔ nzue nu.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Nworɛ Dwirɛhanɛniɛ 12:1

Kaye Nyameɛ bɔ ɔbɔle wɔ ne wɔ wɔ mmerandeɛ nu koraka né mmerɛ tɛɛ ne awa; anyɔ sɔ ná afoɛ nemɔ pingye a, ɛkɔhã kyɛ, “Mennya bɛ nu anigye biala”;

Yeremia 39:17

Nakoso ngɔpepɛ ngole wɔ sɔ kyẽa ne, na bɛngɔfa wɔ bengowura mmenia bɔ esuro bɛ nemɔ sa, AWURADE noa dwirɛ ɛne.

Marko 14:7

Ofikyɛ ɛmɔ ne ehiafoɛ wɔ berɛ daa, na mmerɛ biala bɔ ɛmɔkuro ne, ɛmɔkɔhora bɛkɔboka bɛ; nakoso me de, nna ɛmɔ ne me yeɛ bɛwɔ berɛ daa ɔ.

Asomafoɛ 20:35

Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”

Galatiafoɛ 2:10

Bɛsrɛle yɛ nikyee komapɛ, kyɛ yɛkaye ehiafoɛ; na né ɛhe te nikyee bɔ mekuro kyɛ meyɔ ɔ.

1 Tɛsalonikafoɛ 5:14

Afei koso aliɛmaa mɔ, yɛsrɛ ɛmɔ kyɛ, ɛ́mɔbɔ bɛ bɔ bɛnate basabasa nemɔ kɔkɔ, ɛ́mɔkyekye bɛ bɔ b’abasa nu abu nemɔ wora, ɛ́mɔboka bɛ bɔ bayɛ mmerɛ ne, ná ɛ́mɔnya sona biala nwo aboterɛ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.

Rutu 2:19

Yeɛ ye sia bisale ye kyɛ, “Nisua yeɛ ɛnɛ ɛɛsesale ayuo ye? Fie beni aso yeɛ ɛhɔle ɔ? Nyameɛ yira sona bɔ wayɛ wɔ paa sɔaa ye.” Yeɛ Rutu hane sona bɔ ɔhɔle ye fieso adwuma ne nwo dwirɛ hyirele ye sia ne kyɛ, “Biaa bɔ ngɔnyɔle adwuma wɔ ye fieso ne, bɛfrɛ ye Boase.”