Edwein 40:7 - AHYERƐLƐ KRONGRON

⁷ Yeɛ ngane kyɛ, “Me ɛhe; kyɛbɔ bahyerɛ bafa me nwo wɔ nwomaa bɔ babobɔ ne anu ne ala.

Edwein 40:7 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Edwein 50:9

W’awuro nandwie nyii, yeɛ wɔ tuin nu mbɔngye ne, menhia.

Edwein 51:18

Maa ɔyɛ wɔ anigye kyɛ ɛkɔma Sion konya ngɔsoɛ ɔ; si Yerusalem fasue nemɔ.

Anyandera 21:3

Tenenee bra ne pɛpɛɛpɛyɛlɛ, ɔsɔ AWURADE nye tra afɔleɛbɔlɛ.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Yesaya 50:5

AWURADE Nyameɛ abukye me so, manyɛ lɔen, yeɛ mangakyi me si mamma ye.

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 5:39

Ɛmɔpɛnzɛpɛnzɛ Ahyerɛlɛ ne anu, ofikyɛ ɛmɔdwene kyɛ ɛmɔle daa ngoa wɔ nu; na ye ala yeɛ odi me nwo adanzeɛ ɔ.

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”