Biblia Todo Logo
Bìoball air-loidhne

- Sanasan -




Edwein 40:6 - AHYERƐLƐ KRONGRON

6 Nna ngaka afɔleɛ ne ayɛyɛdeɛ yeɛ wɔ nye gye ye nwo ɔ, na mmom ama me asoɛ bɔ ɔte dwirɛ ɔ. Nna naen yeralɛ afɔleɛ ne bɔne nwo afɔleɛ yeɛ ɛpena ɔ.

Faic an caibideil Dèan lethbhreac




Edwein 40:6
19 Iomraidhean Croise  

sɔ mmerɛ ne yeɛ odwudwo gua adasa bɛ so anu ɔ, na ɔbɔ bɛ kɔkɔ maa besuro,


Ye yeɛ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ nningyein bɔ bɛka a bennwu ye noa ɔ.


Ao Nyameɛ, w’adwene ne, kyɛbɔ osi bo me ndeaseɛ so ɔ! Ɛkã bɔ nu a, kyɛbɔ osi te totohyia ɔ!


Sɛ meka a, ye somaa tra anweaa; sɛ meda medwɔso a, né ndɛwɔ wɔ nwo berɛ.


Nna wɔ ngaka afɔleɛ ne ati yeɛ mekã wɔ nyunu ɔ; wɔ naen yeralɛ afɔleɛ ne, ɔwɔ me nyunu daa.


Ofikyɛ nna afɔleɛ yeɛ wɔ nye gye ye nwo ɔ. Sɛ mebɔ naen yeralɛ afɔleɛ a, wɔ nye ngɔgye ye nwo.


Wɔ tenenee nnwumaa ne wɔ ngoalelɛ nnwumaa ne, meka bɛ a, ɔbo me ndeaseɛ so de, nakoso ngɔfa me noa ngɔbɔ bɛ nwo dawure mmerɛ biala.


ye de ɔsɛ kyɛ ye mene fa ye kogyina Nyameɛ nyunu. Ɔ́fa ye oogyina anoa nu anaa aponnwaa nu berɛ, ná ye mene ne ɔfa tulie otofi ye so anu, ná ye asetena nu mukoraa ɔso ye mene ne.


Ɛmɔ afɔleɛ worawora ne, mefa meyɛ nzu? AWURADE noa dwirɛ ɛne. Mmoaen nyii naen yeralɛ afɔleɛ ɔne nyɛmmoa mɔ bɛ loe ne, mali maa wabɔ me; yeɛ nandwie mogya anaa mmoaen mogya, anaa mbɔngye mogya ɔnzɔ me nye.


O AWURADE, wɔ yeɛ ɛte me Nyameɛ ɔ, ngɔkamvo wɔ, ngɔye wɔ dumaa ayɛ, ofikyɛ ayɔ anwanwadeɛ nningyein, ofi tetetetetete yeɛ ɛyɔle sɔ nhyehyɛleɛ ne ɔ, na ali so nahorɛ nu.


“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.


Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.


Ɔwɔ nu kyɛ ɛmɔbɔ naen yeralɛ afɔleɛ ne aleɛ afɔleɛ bɛma me, nakoso menne mendo nu; yeɛ ɛmɔ nandwie sayɛɛ asomdwee afɔleɛ ne, mengɔfa me nye mengɔnea.


Na sɛ ɛmɔte edwirɛ he abo, kyɛ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ’ a, ahaa ɛmɔammua bɛ bɔ benni fɔ ne fɔ.


Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”


Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.


Lean sinn:

Sanasan


Sanasan