Edwein 40:5 - AHYERƐLƐ KRONGRON

⁵ Ao AWURADE me Nyameɛ, w’anwanwadeɛ bɔ ayɔ ne, ɔne adwene bɔ ele ye ma yɛ ne, bɛsone paa; ebiala ngɔhora ngɔfa ye nwo ngɔtoto wɔ nwo. Sɛ mekã kyɛ meka ná mebɔ ye nwo dawure a, ɔsone bɔ mengɔhora ye ka ɔ.

Edwein 40:5 Iomraidhean Croise

YOB NWOMAA NE 26:14

Tie, bɔ Nyameɛ tumi kora yɔ ne, sɔ nningyein nemɔ te nu mmaa mmaa bie, na kaaba bie yeɛ yate yafa Nyameɛ nwo ɔ. Ye tumi totohyia ne, nwa yeɛ ɔkɔte ye bo ɔ?”

YOB NWOMAA NE 5:9

Ye yeɛ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ nningyein bɔ bɛka a bennwu ye noa ɔ.

YOB NWOMAA NE 9:10

Ye bɔ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ bɔ ɛka a ennwu ye noa ɔ.

Edwein 136:4

Ye bɔ ye ngome yeɛ ɔyɔ anwanwadeɛ mbiri mbiri ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 139:6

Sɔ nimdeɛ ne, ɔyɛ me nwanwa soma; ɔwɔ anwuro soma, bɔ me sa ngora ndwu so ɔ.

Edwein 71:15

Wɔ tenenee nnwumaa ne wɔ ngoalelɛ nnwumaa ne, meka bɛ a, ɔbo me ndeaseɛ so de, nakoso ngɔfa me noa ngɔbɔ bɛ nwo dawure mmerɛ biala.

Edwein 73:28

Nakoso me de, ɔte paa ma me kyɛ ngopingye Nyameɛ ɔ; mafa AWURADE Nyameɛ mayɛ m’afealeɛ, amaa ɔnate so mabɔ wɔ nnwumaa mukoraa nwo dawure.

Edwein 92:5

Ao AWURADE, wɔ nnwumaa te mbiri mbiri paa! W’adwene nu pi paa!

Ɛksadɔso 11:8

Na wɔ mbanyi hemɔ amukoraa bɛkɔwa me nyunu bekoobu ndwerɛ bɛkɔhã kyɛ, ‘Fi wa kɔ, ɛne wɔ mmenia bɔ beli wɔ si amukoraa!’ Na ɛhe asi ne, ngofi wa ngɔhɔ.” Afei Mose fɛle ɛyaa hahii fili Faro nyunu berɛ hɔle.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Yeremia 29:11

Ofikyɛ mese adwene horɛ bɔ medwene mefa ɛmɔ nwo ɔ, AWURADE noa dwirɛ ɛne; yeeyɛlɛ nwo adwene, nna bɔne adwene ɔ; kyɛ ngɔma ɛmɔkonya ayieleɛ paa ne anyelasoɛ.