Edwein 40:12 - AHYERƐLƐ KRONGRON

¹² Ofikyɛ amaneɛ bɔ bɛka a bennwu ye noa ɔ, bapɛ me nwo bayia, m’amumuyɛɛ mɔ babungam bafa me so, bɔ ɔmma mengora mennwu nikye ɔ; bɛsone bɛtra me ti nwiaa, na wamaa ahunundetelɛ atɔ me so.

Edwein 40:12 Iomraidhean Croise

Gyenesise 42:28

Yiti ɔbɔle oliɛma nemɔ amaneɛ kyɛ, “Basa bafa me sikaa ne bama me. Ɛ́mɔnea, owura me bɔtɔ ne anu.” Ɛhe mane bɛ kunu tele bɛ, na bele anwopopolɛ besisele bɛ nwo kyɛ, “Nzikyɛ dwirɛ yeɛ Nyameɛ amaa wato yɛ ye?”

Edwein 116:3

Ewue nyamaa brabrale me. Ɛborɔ dɔ yealɛ sɔle me nu; nwuni amaneɛ ne aworabɔlɛ.

Edwein 19:12

Nwa yeɛ ye nye kora ba ye nwo so wɔ ye bɔbɔ ye mvomsoɛ nwo ɔ? Me mvomsoɛ bɔ wafea me ne, fa kyɛ me.

Edwein 38:4

Ofikyɛ m’amumuyɛɛ abungam afa me so; na nu nonɛ obu me kɔme anu.

Edwein 61:8

Yiti ngɔto wɔ dumaa nwo ayɛyelɛ dwein daa, ná matua m’aboadeɛ daa biala.

Edwein 69:4

Bɛ bɔ bɛpɔ me mbaen ne, bɛsone bɛtra me ti nwiaa; bɛ bɔ bɛpena me beku me, bɔ bɛ yeɛ bɛpɛ edwirɛ bɛto me so ne, bɛ nwo yɛ se. Nikyee bɔ nnwuale ɔ, aso odi kyɛ mefa bie mesi ye gya nu?

Edwein 73:26

Me nwonaen ne m’ahone kɔyɛ mmerɛ de, nakoso Nyameɛ yeɛ ɔte m’ahone anwoserɛ ne me kyɛfa afebɔɔ ɔ.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Luka 21:26

Na ahunundetelɛ, ɔne nningyein bɔ bɛnea a ɔbaasisi wiase ne, ɔkɔma mmenia nye so koburu bɛ; ofikyɛ bɛkɔwoso anwuro tumi mɔ.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,