Edwein 40:10 - AHYERƐLƐ KRONGRON

¹⁰ Wɔ tenenee nwo dwirɛ ne, mamva mamvea wɔ me ti anu; mabɔ wɔ nahorɛlilɛ ne wɔ ngoalelɛ nwo dawure. Wɔ ɔdɔ bɔ onni ngasi ne, ɔne wɔ nahorɛlilɛ ne, mamva ye nwo dwirɛ mamvea badwa kandinga ne.

Edwein 40:10 Iomraidhean Croise

Edwein 22:26

Anwobrɛaseɛfoɛ bekodidi bɛkɔma bɛ ko koyi; bɛ bɔ bɛpena AWURADE si atee ne, bɛ yeɛ bɛkɔye ye ayɛ ɔ. Nyameɛ ɔ́ma ɛ́mɔnya anika afebɔɔ!

Edwein 25:10

AWURADE atee amukoraa te ɔdɔ bɔ onni ngasi ne nahorɛ ma bɛ bɔ bedi ye apam ne ye dwirɛ so ɔ.

Edwein 34:6

Sɔ anwumvoinniɛ he, osuni, na AWURADE tiele ye sufrɛ, ná ɔpepɛ lele ye fili ye amaneɛ amukoraa nu.

Edwein 75:9

Nakoso me de, ngɔbɔ ye nwo dawure afebɔɔ; ngɔto Yakob Nyameɛ ayɛyelɛ dwein.

Edwein 89:1

Ao AWURADE, ngɔto wɔ ɔdɔ bɔ onni ngasi ne anwo dwein daa, na ngɔte me noa ngɔbɔ wɔ nahorɛlilɛ ne anwo dawure ngohyire aworɛ ndoatoasoɛ amukoraa.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Hesekiel 2:7

Na sɛ betie oo, sɛ bandie oo, wɔ de kã me noa dwirɛ ne kyire bɛ, ofikyɛ bɛte abusua bɔ bayɛ lɔen ɔ.

Mika 7:20

Ɛkɔye nahorɛlilɛ ali kohyire Yakob, ɔne anwumvoinnwunɛ ali kohyire Abraham, kyɛbɔ ata ye nwo ndaen ahyire yɛ nana mɔ fi daa tete ne.

Luka 3:6

Na anwoɔnaen amukoraa konwu Nyameɛ ngoalelɛ ne.”

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Romanfoɛ 10:3

Ofikyɛ bɛnze atee bɔ Nyameɛ fa so siesie ye ne mmenia b’afia ɔ, na mmom bɛyɛle kyɛ bɛkɔfa bɛ bɔbɔ bɛ tenenee atee so; yiti bammrɛ bɛ nwo ase bamma Nyameɛ atee bɔ ɔfa so yɛ kuro sona teneneeniɛ ne.

Filipifoɛ 3:9

amaa wanwu me wɔ ye nu, kyɛ me de, nnne me bɔbɔ me tenenee bɔ ofi mmeraa ne anu ɔ, na mmom bɔ ɔnate Kristo nu gyidie so ɔba ɔ, tenenee bɔ ofi Nyameɛ berɛ, bɔ ɔnate gyidie so ɔ.

1 Tɛsalonikafoɛ 1:8

Ofikyɛ, nna Awurade nwo dwirɛ ne ngome yeɛ wafi ɛmɔ berɛ waadwu Makedonia ne Akaia ɔ; na mmom ɛmɔ gyidie wɔ Nyameɛ nu nwo dwirɛ koso watrɛ wahɔ nekaa biala, yiti onhia kyɛ yɛkɔhã ye nwo dwirɛ ko.

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.