Edwein 4:8 - AHYERƐLƐ KRONGRON

⁸ Ngɔla ngɔlafe asomdwee nu, ofikyɛ AWURADE, wɔ ngome yeɛ ɛmaa metena ase wɔ asomdwee nu ɔ.

Edwein 4:8 Iomraidhean Croise

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Edwein 3:5

Metɔ berɛ medafe; na mesa metingye, ofikyɛ AWURADE gyi me si.

Anyandera 3:24

Sɛ ɛkɔda a, engosuro, yeɛ sɛ ɛda a, wɔ nnaa kɔyɛ wɔ fɛ.

Yesaya 9:2

Maen bɔ né ɔnate awosii nu ne, wanwu kanea piri ne, bɛ bɔ né bɛte awosii kabii aseɛ so ne, kanea ata bɛ so.

Hesekiel 34:25

“Me ne bɛ yɛkɔyɛ asomdwee apam, na ngotu ngaka aboyaa mɔ bo ngofi aseɛ ne aso, amaa ɔnate so batena ɛserɛ ne aso asomdwee nu, ná balela ɛhɔayeɛ nemɔ anu.

Hosea 2:18

Na sɔ kyẽa ne, ngɔyɛ apam ngɔma bɛ, me ne eburo ngaka, ewienu nnomaa, yeɛ ngaka bɔ bɛtwe bɛ nwo ase ɔ. Ngobubu agyaen, ngrandɛ ne koɛhonɛ nu ngofi aseɛ ye aso, na ngɔmaa bɛkɔlela berɛ asomdwee nu.

Lewitikɔso 26:5

Ɛmɔkɔhɔ so bɛkɔboro aburoo alaa maa okoodwu mmerɛ bɔ ɛmɔte bobe ɔ, na ɛmɔkɔhɔ so bɛkɔte bobe alaa maa okoodwu mmerɛ bɔ ɛmɔdua aburoo ɔ. Ɛmɔkodidi maa ɛmɔ ko koyi, ná ɛmɔatena aseɛ ne aso asomdwee nu.

Deuteronomi 12:10

Nakoso sɛ ɛmɔpɛ asue Yɔɔdan bɛkɔɔtena aseɛ bɔ AWURADE ɛmɔ Nyameɛ ɔ́fa ma ɛmɔ maa ɔyɛ ɛmɔ deɛ ne aso, ná ɔbɔ ɛmɔ nwo waen fi ɛmɔ pɔfoɛ bɔ bapɛ ɛmɔ nwo bayia ne amukoraati sa nu, maa ɔnate so ɛmɔtena berɛ asomdwee nu a,

1 Tɛsalonikafoɛ 5:10

Ye yeɛ owu mane yɛ ɔ, amaa sɛ yɛte ase oo, yɛwu oo, yɛne ye yaatena.

Nyekyire 14:13

Na ndele kyɛ komviɛ bie fi nyameɛso odwudwo kyire me kyɛ, “Kyerɛ ɛhe: ‘Awufoɛ bɔ bewu Awurade nu fi kekesaala ye bɔ ɔkɔ ne, banya saleɛ.’ ” Na Sunzum ne nwa, “Amba, bekole bɛ nwome wɔ bɛ fɛɛ nwo, ofikyɛ bɛ nnwumaa li bɛ si.”