Edwein 4:7 - AHYERƐLƐ KRONGRON

⁷ Afa anigye awura m’ahone nu atra mmerɛ bɔ b’aburoo ne bɛ nzaa sonene pee ne.

Edwein 4:7 Iomraidhean Croise

Edwein 31:17

Ao AWURADE, nnɛma me nyunu gua ase, ofikyɛ mesu mefrɛ wɔ. Ma amumuyɛɛfoɛ bɛ nyunu ogua ase, ma bɛ noa omua maa bɛfa bɛhɔ ɛborɔ.

Edwein 37:4

Ma wɔ nye gye wɔ AWURADE nu, na ɔkɔma wɔ sa kɔhã bɔ w’ahone bu ɛpena ɔ.

Edwein 43:4

Na ngɔhɔ Nyameɛ afɔleɛ bokyea ne anwo, ngɔhɔ Nyameɛ bɔ ɔte m’anigye mmorosoɛ ne berɛ; ao Nyameɛ, me Nyameɛ, ngɔbɔ sangoo ngɔye wɔ ayɛ.

Edwein 67:2

amaa ɔnate so banwu w’atee wɔ aseɛ ye aso, ná banwu wɔ ngoalelɛ tumi ne wɔ maen maen amukoraa nu.

Edwein 80:4

Ao AWURADE, Asafo Nyameɛ, wɔ maen mbaeɛ ne, ɛkɔfɛ ye nwo yaa maa okoodwu kyinzu?

Edwein 92:4

Ofikyɛ wɔ AWURADE, ɛnate bɔ ayɔ ɔ so ɛma me nye agye; medi ahurusi meto wɔ sa noa adwuma ne anwo dwein.

Edwein Nu Dwein 1:4

Twetwe me bra wɔ nwo, ma yɛ nwo ɔyɛ nyera. Ao, ɛhene ne afa me awa ye pumbu nu. Yɛ nye kɔhã, ná yali wɔ nwo ahurusi, wɔ hurolɛ ne, yɛkɔkamvo ye yɛkɔtra bobe nzaa. Ɔnyɛ nwanwa kyɛ bekuro wɔ ɔ.

Yesaya 9:3

Ama maen ne anu mmenia bata bayɛ pee, amaa banya anika piri, benya ahurusi wɔ wɔ nyunu kyɛbɔ mmenia nya anigye wɔ fieso aleɛ falɛ nu ɔ, kyɛbɔ mmenia di ahurusi wɔ koɛ nu nzesadeɛ hyɛlɛ nu ɔ.

Yeremia 48:33

Baye anika ne anigye bafi aseɛ bɔ ɔkye aleɛ ne aso, ɔne Moabo aseɛ so, na mama nzaa bo apɛ wɔ nekaa bɔ betwi nzaa nemɔ. Ebiala ngohwi nzaa ngɔbɔ ese, na bɛ ndeateamuɛ ne ngɔyɛ esebɔlɛ.

Numeri 6:25

AWURADE ɔ́ma ye nyunu ɔta hyireinn ɔma wɔ, ná ɔlo wɔ;

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

1 Petro 1:8

Ye yeɛ ɛmɔnnwuni ye, nakoso ɛmɔkuro ye dwirɛ; ɔwɔ nu kyɛ kekesaala ye de ɛmɔnnwu ye, nakoso ɛmɔde ye bedi, na ɛmɔanya anigye bɔ olle kabea bɔ animnyam wɔ nu ɔ,

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.