Edwein 4:6 - AHYERƐLƐ KRONGRON

⁶ Mmeni pee yeɛ bebisa kyɛ, “Nwa yeɛ ɔkɔmaa yɛkonwu yɛ bɔ ɔte paa ɔ?” Ao AWURADE, ma w’adom ne ɔta wɔ yɛ so!”

Edwein 4:6 Iomraidhean Croise

Edwein 119:135

Ye w’adom ne ali kyire wɔ somvoɛ, ná kyirekyire me w’ahyɛdeɛ ne.

Edwein 21:6

Amba, ɛmaa onya saleɛ piri afebɔɔ, na anika bɔ onya ye wɔ wɔ nyunu ne ati, ɛma ye nye gye.

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 42:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 44:3

Nna bɛ bɔbɔ bɛ ngrandɛ yeɛ bɛfa bɛhone belele aseɛ ne ɔ, yeɛ nna bɛ bɔbɔ b’anwoserɛ yeɛ ɔmaa belili ngonim ɔ; na mmom wɔ sa famaa ne, w’anwoserɛ ne, ɔne wɔ nyunu kanea bɔ ɔbokale bɛ ne ɔ, ofikyɛ ekuro bɛ dwirɛ.

Edwein 67:1

Ao Nyameɛ, nwu yɛ anwumvoin ná yira yɛ, ma wɔ nyunu ɔta hyireinn ma yɛ, Sela

Edwein 80:19

Ao AWURADE, Asafo Nyameɛ, maa yɛsa yɛbra wɔ berɛ; te wɔ nyunu kyire yɛ, amaa ɔnate so yanya ngoa.

Edwein 80:7

Ao Asafo Nyameɛ, maa yɛsa yɛbra wɔ berɛ; te wɔ nyunu kyire yɛ, amaa ɔnate so yanya ngoa.

Edwein 89:15

Maen bɔ bɛse ayɛyelɛ nwo esebɔlɛ ne, benya saleɛ; bɛ yeɛ bɛnate wɔ nyunu hyireinn ne anu ɔ.

Yesaya 55:2

Nzu ati yeɛ ɛmɔfa sikaa bɛtɔ nikyee bɔ nna aleɛ ahɔ ɔ, ɔne kyɛ ɛmɔsɛkye ɛmɔ anwoserɛ wɔ nikyee bɔ ɔmma ɛmɔ ko nyi nwo ɔ? Ɛ́mɔtie me yé, ná ɛ́mɔli bɔ ɔte paa ɔ, ná ɛ́mɔma ɛmɔ kra nye gye aleɛ sɔkyee nwo.

Malaki 3:3

ɔkɔtena ase kyɛ dwumvoɛ bɔ ohuro ɛdwetɛ ɔye ye nwo fiɛ ɔ: ɔkɔte Lewi boso ama mɔ bɛ nwo, okohwi bɛ nwo kyɛ sikaa kɔkorɛ ne ɛdwetɛ, amaa ɔnate so bafa tenenee afɔleɛ babrɛ AWURADE.

Numeri 6:26

AWURADE ɔ́te ye nyunu hyire wɔ, ná ɔma wɔ asomdwee.’

Luka 12:19

ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Deuteronomi 33:19

Bɛkɔfrɛfrɛ mmenia maa bɛkɔwa bokaa ne aso, berɛ yeɛ bɛbɔ afɔleɛ bɔ ɔsɔ anyeɛ ɔ, ofikyɛ benya bɛ nwo befi ɛpo nu, ɔne agyapadeɛ bɔ bafa bafea anweaa nu ɔ.”

Yakobo 4:13

Afei ɛ́mɔtie, ɛmɔ bɔ ɛmɔkã kyɛ, “Ɛnɛ anaa ɛhema, yɛkɔhɔ kuro he anaa ɛhene aso yɛkooli berɛ afoɛ ko, yɛkɔtɔ ná yayɛ nningyein atɔen, ná yanya mvasoɛ.”