Edwein 4:3 - AHYERƐLƐ KRONGRON

³ Nakoso ɛ́mɔkaye kyɛ sona bɔ ɔtengyɛ ne, AWURADE aneanea nu waye ye wasie berɛ wama ye nwo; sɛ mesu mefrɛ AWURADE a, otie me sufrɛ.

Edwein 4:3 Iomraidhean Croise

Edwein 31:23

Ɛmɔ, anwoteefoɛ amukoraa, ɛmɔhuro AWURADE dwirɛ. AWURADE bɔ anwoteefoɛ nwo waen, nakoso ebiala bɔ ɔma ye nwo so ne, otua ye so kerɛ piri paa.

Edwein 34:15

AWURADE nye wɔ teneneefoɛ so, na ɔyɛ asoɛ tie bɛ sufrɛ.

Edwein 49:3

Me noa kɔhã nworɛ dwirɛ, na me ti anu nzusuleɛ te nimdeɛ.

Edwein 50:5

Ɔnwa, “M’anwoteefoɛ bɔ bɛnate afɔleɛ so bɛ ne me ayɛ apam ne, ɛ́mɔboaboa bɛ noa bɛma me!”

Edwein 56:9

Na afei kyẽa bɔ ngosu ngɔfrɛ wɔ ne, me pɔfoɛ mɔ bɛkɔtete bekosa. Mese ye sɔ, ofikyɛ Nyameɛ gyi me si.

Edwein 6:8

Ɛmɔ amumuyɛɛfoɛ amukoraa, ɛ́mɔfi me so bɛhɔ, ofikyɛ AWURADE ate me suɛ ne.

Edwein 62:10

Nnɛma ɛmɔfa ɛmɔ nwo bɛto apoobɔlɛ so, yeɛ nnɛma ɛmɔ nye gye awue nwo; sɛ ɛmɔ anwonyadeɛ sone po a, nnɛma ɛmɔfa bɛ nwo bɛto so.

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,