Edwein 4:2 - AHYERƐLƐ KRONGRON

² Ao adasa, ɛmɔkogua me nyunu ase maa okoodwu kyinzu? Ɛmɔkoli edwirɛ mbaen mbaen ne ngondombo dwirɛ si maa okoodwu kyinzu? Sela

Edwein 4:2 Iomraidhean Croise

Edwein 106:20

B’animnyam ne, bɛfale nandwie bɔ odi ndire ɔ ye sɛso besili ye gya nu.

Edwein 14:6

Sona bɔ ɔyɛ anwumvo ne, ɛmɔama ye nzusuleɛ ayɛ basaa, nakoso AWURADE yeɛ ɔte ye afealeɛ ɔ.

Edwein 2:1

Nzu ati yeɛ maen maen mɔ bɛyɔ lɔen ɔ, ná maen mɔ bɛbɔ porɛ bɔ ongonzi pasiliwa biala ɔ?

Edwein 3:3

Nakoso ao AWURADE, wɔ yeɛ ɛte m’akokyɛm, m’animnyam ne me worakyekyelɛniɛ ɔ.

Edwein 31:6

Mekyi bɛ bɔ bɛso mmosoen bɔ bɛ nwo olle mvasoɛ biala ɔ, nakoso me de, me wora wura AWURADE nu.

Edwein 5:6

Ɛma ngondombofoɛ b’ayieleɛ yie bɛ, na kodiawufoɛ ne ndurumfoɛ de, AWURADE kyi bɛ.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 57:4

Gyata mɔ yeɛ me kra la b’afia ɔ. Bɛ gye te pealɛɛ ne agyaen, bɛ temverema te ngrandɛ nnaennaen.

Edwein 58:1

Ɛmɔ, tumifoɛ mɔ, edwirɛ bɔ ɛmɔka ne, aso ɔtengyɛ? Ao kuro mmenia, aso ɛmɔbua ndɛen turoloo?

Edwein 58:3

Bɔnefoɛ befi bɛ ni akunu yeɛ bedi makyebu ɔ; befi b’aworɛ nu yeɛ bɛyɔ mvomsoɛ ɔ, na bɛnga nahorɛ.

Edwein 63:11

Nakoso ɛhene ne koli ahurusi wɔ Nyameɛ nu; na ebiala bɔ ɔfa ye dumaa ta ndaen ne, ɔkɔhoahoa ye nwo, ofikyɛ bɛkɔhã ngondombofoɛ noa bɛkɔto nu.

Edwein 72:2

Maa ɔfa tenenee obu wɔ maen ne, na ɔfa pɛpɛɛpɛyɛlɛ ɔnea bɛ bɔ bɛyɛ anwumvo ɔ so.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Nworɛ Dwirɛhanɛniɛ 8:11

Na ɔnate kyɛ bɔne yɔleɛ nwo akatuaa ɔmma ndɛndɛ so ne ati, kuro sona ama bɔne yɔleɛ ali ye ti.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Yesaya 20:5

Na ɔnate kyɛ Yitiopia te b’anyelasoɛ, bɔ Misraim koso te b’anwohoahoa ne ati, bekosuro, na bɛ nyunu kogua ase.

Yesaya 45:17

Nakoso Yisrael de, AWURADE fa ngoalelɛ afebɔɔ ode ye. Ɛfɛrelɛ ngɔhã ɛmɔ, yeɛ ɛmɔ nyunu ngogua ase le afebɔɔ.

Yesaya 59:4

Ebiala ngyina edwirɛ paa so ɔnzama obiɛngo, ebiala mmɔ nahorɛ kuro wɔ badwafoɛ nyunu; bɛto soen mbaen mbaen, na bɛnga nahorɛ, bɛnwonzɛ nzɛmmɔne, na bɛwo amumuyɛɛ.

Yeremia 2:11

Aso maen bie wasesã ye nyameɛ mɔ, bɔ ye po nna nyameɛ mɔ ahɔ ɔ? Nakoso me maen de, wafa nningyein bɔ mvasoɛ nne so ɔ wasesã ye animnyam.

Yeremia 2:5

AWURADE nwa nyoo: “Nzikyɛ mvomsoɛ yeɛ ɛmɔ nana mɔ benwuni ye wɔ me nwo, bɔ ɔnate so bɛhwene bɛ nwo befili me nwo bɛhɔle dedeede beelili nningyein mbaen mbaen si, maa bɛ koso bɛkakyili mmenia mbaen ɔ?

Yeremia 9:3

Bɛkondo bɛ temverema kyɛ agyaen bɛpɛ anoanu; nna nahorɛ ɔ, na mmom ngondombopɛlɛ yeɛ wamaa batindim wɔ aseɛ ye aso ɔ, ofikyɛ bɛyɔ bɔne bɛfoa bɔne so, na bɛnze me, AWURADE noa dwirɛ ɛne.

Hosea 4:7

Kyɛbɔ bɛhɔle so bɛsonene ne, sɔ alaa yeɛ bɛhɔle so bɛyɔle bɔne betiale me ɔ; yiti b’animnyam ne, ngɔkakyi ye animguaseɛ.

Yona 2:8

Bɛ bɔ bɛsɔne mmosoen bɔ bɛtte huu ne, bɛpo bɛ bɔbɔ b’anwumvoinnwunɛ.

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Asomafoɛ 24:9

Na Yudafoɛ nemɔ foale ye dwirɛ ne aso kyɛ ɔte nahorɛ.

1 Korintofoɛ 1:31

Ɛhe ati, bahyerɛ kyɛ, “Ebiala bɔ ɔhoahoa ye nwo ne, maa ɔhoahoa ye nwo wɔ Awurade nu.”

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

1 Samuel 12:21

Yeɛ nningyein mbaen mbaen bɔ mvasoɛ nne so, anaa bɛngora benne ngoa ne, nnɛma ɛmɔdi makyebu bekodi bɛ si, ofikyɛ bɛte mbaen.