Edwein 4:1 - AHYERƐLƐ KRONGRON

¹ Ao, me Nyameɛ bɔ edi me dwirɛ ma me ɔ, mefrɛ wɔ a tie me e! Me nwo hyerele me ne, wɔ yeɛ ɛpepɛ lele me ɔ. Nwu me anwumvoin, ná tie me mbaeɛ.

Edwein 4:1 Iomraidhean Croise

YOB NWOMAA NE 36:16

Wɔ koso, ɔkɔye wɔ kofi aworabɔlɛ nu, ɔkɔfa wɔ kɔhɔ nekaa bɔ anwokyere nne berɛ ɔ, na ɔkɔbɔ wɔ nwo waen, na aleɛ paa kɔyɛ wɔ poen so tɛkyɛ.

Edwein 11:7

Ofikyɛ AWURADE te teneneeniɛ, okuro bra bɔ ɔtengyɛ ɔ; na sona bɔ ɔtengyɛ ne, okonwu AWURADE nyunu.

Edwein 116:16

Ao AWURADE, nde wɔ somvoɛ, nde wɔ somvoɛ, w’afaneɛ awa ole me. Asangye nyamaa bɔ wakyekye me ne.

Edwein 116:6

AWURADE bɔ awiɛmvoɛ nwo waen; mmerɛ bɔ ngɔle amaneɛ nu ne, ɔpepɛ lele me.

Edwein 119:132

Pɛne wɔ nye baanea me, ná do me, kyɛbɔ ɛyɔ ma bɛ bɔ bekuro wɔ dumaa dwirɛ ne.

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Edwein 17:6

Ao, Nyameɛ, mesu mefrɛ wɔ, ofikyɛ ekotie me; yɛ asoɛ tie me, tie me dwirɛ.

Edwein 22:1

Me Nyameɛ, me Nyameɛ, nzu ati yeɛ apo me ye? Nzu ati yeɛ mepene mepena mmokalɛ, nakoso aye wɔ nye afi me so ye?

Edwein 24:5

Ye yeɛ okonya AWURADE sa nu saleɛ ɔ, na Nyameɛ bɔ ɔte ye ngoadefoɛ ne, okobua ye be.

Edwein 25:16

Pɛne wɔ nye baanea me, ná nwu me anwumvoin, ofikyɛ waha me ngome, na menwu amaneɛ.

Edwein 31:8

Amva me anwura pɔfoɛ ne sa; afa me agyina nekaa bɔ berɛ baye ɔ.

Edwein 41:12

Ɔnate me nahorɛlilɛ ti, atira me nu, na afa me atena wɔ nyunu afebɔɔ.

Edwein 42:1

Ao Nyameɛ, kyɛbɔ dabɔɔ ye komvi de asue ba bɔ ɔse ɔ nu nzue ne, sɔ ala yeɛ me kra pena wɔ si atee ɔ.

Edwein 45:1

Ndɛenvɛen ayi m’ahone nu tɛkyɛ, na ɛhene ne nwo dwein yeɛ meto ɔ, me temverema te kyɛ ahyerɛlɛniɛ bɔ waboa ye nwo ɔ ye pɛn.

Edwein 56:1

Ao Nyameɛ, nwu me anwumvoin, ofikyɛ mmenia bɛpena me beku me. Mmerɛ biala me pɔfoɛ mɔ tane me nye,

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 6:1

Ao AWURADE, nnɛkã me nyunu wɔ wɔ yaafɛlɛ nu, yeɛ nnɛtwe me so wɔ wɔ yaafɛlɛ piri nu.

Edwein 67:1

Ao Nyameɛ, nwu yɛ anwumvoin ná yira yɛ, ma wɔ nyunu ɔta hyireinn ma yɛ, Sela

Edwein 76:1

Ebiala se Nyameɛ wɔ Yuda, na ye dumaa te piri wɔ Yisrael.

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Habakuku 3:19

AWURADE Nyameɛ te m’anwoserɛ. Ɔma me gya tindim kyɛ kɛtɛbɔɔ deɛ, na ɔmaa menate m’asɔneyɛɛ nemɔ aso. Mefa mema edweinhyirelɛniɛ ne, kyɛ ɔ́fa me sangoo ne ɔ́to.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

2 Korintofoɛ 1:8

Aliɛmaa mɔ, kyɛbɔ yɛ nwo si hyerele yɛ wɔ Asia nen, yɛmbena kyɛ yɛfa yɛsie ɛmɔ, ofikyɛ yɛ nwo hyerele yɛ paa maa ɔbole yɛ so, na afei yɛ ngoa nwo anyelasoɛ mukoraa tu minini.

1 Samuel 17:37

Na AWURADE bɔ olele me fili gyata sa nu, ɔne kwabrafo sa nu ne, okole me kofi sɔ Filistiniɛ he sa nu.” Yeɛ Sɔɔlo sele Dawide kyɛ, “Kɔ, na mesrɛ kyɛ AWURADE ogyina wɔ si!”