Edwein 39:9 - AHYERƐLƐ KRONGRON

⁹ Mayɛ konn; memmukye me noa, ofikyɛ wɔ yeɛ ahyehyɛ ye sɔ ɔ.

Edwein 39:9 Iomraidhean Croise

2 Samuel 16:10

Nakoso Nana Dawide buale ye kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu? Amoen bɔ ɔ́boro ye, sɛ AWURADE yeɛ waha wahyire ye kyɛ, ‘Boro Dawide amoen,’ a, nwa yeɛ ɔkɔhora kobisa ye kyɛ, ‘Nzu ati yeɛ ɛ́yɔ sɔ ɔ?’ ”

YOB NWOMAA NE 1:21

Na ɔhane kyɛ, “Mvi me ni akunu méba ne, né me nwo la so, na ye sɔ ala yeɛ ngosa ngɔfa ngɔhɔ ɔ. AWURADE yeɛ ɔfa mane me ɔ, yeɛ AWURADE asa ale ɔ. Animnyam hã AWURADE dumaa.”

YOB NWOMAA NE 2:10

Nakoso obuale ye kyɛ, “Edwudwo kyɛbɔ brasua kwaseaa biala odwudwo ɔ. Nzu ɔ? Nyameɛ ma yɛ nikye paa a, yɛde; nzu ati yeɛ sɛ ɔma yɛ bɔ ɔtte mayee a, ɔnzɛ kyɛ yɛde ɔ?” Na ɛhemɔ amukoraa nu ne, Yob amma ye noa andia Nyameɛ.

Edwein 38:13

Nakoso mayɛ kyɛ asotiniwaaniɛ bɔ ɔnde dwudwolɛ ɔ; mayɛ kyɛ emumu bɔ ɔngora dwudwo ɔ.

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

1 Samuel 3:18

Yiti Samuel fale ye mukoraa nwo amaneɛ bɔle Eli, na wamva bie wamvea ye. Na Eli sele kyɛ, “Ye yeɛ ɔte AWURADE ɔ, maa ɔyɔ bɔ okuro ɔ.”