Edwein 39:6 - AHYERƐLƐ KRONGRON

⁶ Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 39:6 Iomraidhean Croise

YOB NWOMAA NE 14:1

“Dasaniɛ bɔ brasua awo ye ɔ, ye ngoa te tika, na amaneɛ ngome.

YOB NWOMAA NE 7:16

Afei de, ewiase afono me. Mengɔtena ngoa nu daa. Yakyi me, ofikyɛ me ngoa te mbaen.

YOB NWOMAA NE 7:7

“Kaye kyɛ me ngoa te mvrama, me nye ngɔgye ko.

Edwein 127:2

Ɔte mbaen kyɛ ɛmɔkɔpɛ aleɛ bekodwɔso, ná ɛmɔanna ndɛ, ná ɛmɔfɛ tetanwuu bɛpena ɛmɔ noa aleɛ ɔ; ofikyɛ bɛ bɔ okuro bɛ dwirɛ ne, sɛ bɛda po a, ɔma bɛ bɔ behia ɔ.

Edwein 144:4

Sona te kyɛ nwomeɛ; ye ngyẽa te kyɛ wawoɛ bɔ ɔpɛ nu kɔ ɔ.

Edwein 89:48

Dasaniɛ beni yeɛ ɔkɔhora kɔtena ase alaa bɔ ongowu ɔ? Nwa yeɛ ɔkɔhora kole ye kra kofi ɛborɔ sa nu ɔ? Sela

Anyandera 13:22

Sona paa yakyi ye nnomaa agyapadeɛ, nakoso bɔnefoɛ anwonyadeɛ de, okooli teneneefoɛ sa nu.

Anyandera 23:5

Kyɛ ɛbɔ wɔ nye perɛ ne, né watu wamini, ofikyɛ anwonya le ndaa, na otu kyɛ kɔleɛ ɔkɔ anwuro anwuro.

Anyandera 27:24

ofikyɛ anwonya ndena berɛ daa; na ahennie abotire, aso ɔkɔtena berɛ koodwu aworɛ ndoatoasoɛ amukoraa so?

Nworɛ Dwirɛhanɛniɛ 1:14

Manwu nikyee biala bɔ bɛyɔ ye wiase ɔ, na tie, ye mukoraa te mbaen, na ɔte dadwene mbaen.

Nworɛ Dwirɛhanɛniɛ 11:10

Ye aworabɔlɛ fi w’ahone nu, ná ye anwoɔnaen nu ateetee fi wɔ so, ofikyɛ ngwadaa nu ne mmerandeɛ nu po te mbaen.

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Nworɛ Dwirɛhanɛniɛ 12:8

“Mbaen nu mbaen.” Nworɛ Dwirɛhanɛniɛ ne nwa nyoo, “Ye mukoraa te mbaen!”

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 2:8

Asa koso, mmoaboale ɛdwetɛ ne sikaa kɔkorɛ pee noa mvale, yeɛ nyane agudeɛ mvili ahemvo mɔ ne mbɔtam mbɔtam mɔ berɛ. Nyane edweintolɛfoɛ mmienzua ne mmrasua, bɔ bienzua kohia biala, ɔne sómaa pee.

Nworɛ Dwirɛhanɛniɛ 5:14

na asane to ye ma sɔ anwonya ne amukoraa fi ye sa. Ɔwɔ nu kyɛ wawo baa de, nakoso ye mukoraa fi baa ne sa.

Yesaya 55:2

Nzu ati yeɛ ɛmɔfa sikaa bɛtɔ nikyee bɔ nna aleɛ ahɔ ɔ, ɔne kyɛ ɛmɔsɛkye ɛmɔ anwoserɛ wɔ nikyee bɔ ɔmma ɛmɔ ko nyi nwo ɔ? Ɛ́mɔtie me yé, ná ɛ́mɔli bɔ ɔte paa ɔ, ná ɛ́mɔma ɛmɔ kra nye gye aleɛ sɔkyee nwo.

Luka 12:26

Na sɛ ɛmɔngɔhora ngɔyɔ bɔ ɔte kaaba he po a, nzu ati yeɛ ɛmɔdwenedwene bɔ ɔboka so nemɔ nwo ɔ?

Luka 12:29

Sɔ ala yeɛ nnɛma ɛmɔpena bɔ ɛmɔkoli ɔ, anaa bɔ ɛmɔkɔno ɔ; yeɛ nnɛmɔmaa ɔyɛ ɛmɔ so adwenedwene.

1 Korintofoɛ 7:31

na bɛ bɔ bedi wiase nningyein si ne, odi kyɛ bɛbɔ bɛ bra kyɛ sɔ nningyein nemɔ nwo nhia ɔ. Ofikyɛ, ewiase bɔ ɔwɔ berɛ kekesaala ye ne ɔpɛ nu kɔ.

Yakobo 4:14

Nakoso ɛmɔnze bɔ okosi ɛhema ɔ. Ɛmɔ ngoa te nzu? Ofikyɛ ɔte etutue bɔ ɔba mmerɛ kãa bie, ná afei watu wamini ɔ.

Yakobo 5:3

Ɛmɔ sikaa kɔkorɛ ne ɛdwetɛ ali naakye, na bɛ nwo naakye ne kɔyɛ adanzeɛ kotia ɛmɔ, na okodidi ɛmɔ nwonaen kyɛ see. Ɛmɔaboaboa agyapadeɛ noa wɔ ngyẽa bɔ oli nziɛ ye anu.

1 Petro 1:24

Ofikyɛ “Anwoɔnaen amukoraa te kyɛ ndire, na sona animnyam amukoraa te kyɛ ndire bɔ wabɔ nyerɛen ɔ. Ndire kese, na ye nyerɛen poro gua;

1 Petro 5:7

Ɛ́mɔfa ɛmɔ dadwene amukoraa begua ye so, ofikyɛ ɔdwene ɛmɔ nwo.