Edwein 39:12 - AHYERƐLƐ KRONGRON

¹² “Ao AWURADE, tie me mbaeɛ, ná tie me sufrɛ; nnɛye wɔ nye fi me moenporolɛ ne anwo; ofikyɛ nde kyɛ wɔ wɔfoɛ bɔ ɔngɔhyɛ ɔ, nde amanvraniɛ kyɛ me nana mɔ amukoraa.

Edwein 39:12 Iomraidhean Croise

Gyenesise 21:34

Na Abraham yɛle ɛwɔfoɛ wɔ Filistifoɛ aseɛ so hyɛle.

Gyenesise 47:9

Yakob buale Faro kyɛ, “Mahyini aseɛ ye aso afoɛ ɛyaa ko ne aburasa; m’afoɛ ne anzo pee, ye somaa ndwu afoɛ bɔ me nana mɔ lili ɔ, nakoso ɛfɛɛ wɔ nu paa.”

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

1 Aberɛso Dwirɛ 29:15

Wɔ nyunu, yɛte ɛwɔfoɛ ne amanvrafoɛ, kyɛ yɛ nana mɔ amukoraa ala. Yɛ ngyẽa bɔ yɛdi ye aseɛ ye aso ne, ɔpɛ nu kɔ kyɛ wawoɛ, na yɛngɔhyɛ ná yatu yamini.

YOB NWOMAA NE 13:28

Sona de, ɔte kyɛ dufure, ɔporɔ, na ɔtete kyɛ ɛtena bɔ mvrɔlɔ ali ɔ.

YOB NWOMAA NE 16:20

Me damvo mɔ po bɛgoro me nwo, nakoso Nyameɛ yeɛ meporo moen mekyire ye ɔ,

Edwein 102:1

Ao AWURADE, tie me mbaeɛ; ma me sufrɛ oodwu wɔ nyunu.

Edwein 116:3

Ewue nyamaa brabrale me. Ɛborɔ dɔ yealɛ sɔle me nu; nwuni amaneɛ ne aworabɔlɛ.

Edwein 119:19

Nde ɛwɔfoɛ wɔ aseɛ ye aso, nnɛfa wɔ mmeraa dwirɛ ne fea me.

Edwein 119:54

Awuro bɔ mayɛ ɛwɔfoɛ maatena nu ne, w’ahyɛdeɛ yeɛ ɔte me dwein ɔ.

Edwein 56:8

Wɔ yeɛ anwu aworabɔlɛ worawora bɔ medi ɔ, fa wɔ towaa ne sɔ me nye moen. Aso ɔnne wɔ ngrataa nu anaa?

Edwein 90:9

Ofikyɛ yɛ ngyẽa amukoraa pɛ nu kɔ bɔ afɛ yɛ so yaa ɔ, na y’afoɛ bɔ yɛdi ne ɔba ayieleɛ kyɛ ɛhoaa bie.

Lewitikɔso 25:23

Onni kyɛ bɛte aseɛ ne terama, ofikyɛ aseɛ ne te me deɛ, na me nyunu de, ɛmɔte ɛwɔfoɛ ne hwɛsofoɛ.

2 Korintofoɛ 5:6

Yiti mmerɛ biala yɛle anyelasoɛ. Na yɛse kyɛ mmerɛ bɔ yɛwɔ awuro wɔ anwoɔnaen he anu ye de, yɛ ne Awurade afia atee wale;

Hebrifoɛ 11:13

Gyidie nu yeɛ sɔ mmenia hemɔ amukoraa bewuli ɔ. Bɛ sa anga bɔhyɛ ne, nakoso befitele dedeede na benwuni bɔhyɛ ne nwo nningyein nen, bele belili, na bele bɛtole nu kyɛ bɛte ɛwɔfoɛ ne amanvrafoɛ wɔ aseɛ he aso.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.

1 Petro 2:11

Adɔfo mɔ, mesrɛ ɛmɔ, ɛmɔte ɛwɔfoɛ ne amanvrafoɛ, yiti anwoɔnaen akɔnnɔ bɔ ɔko tia ɛmɔ kra ne, ɛmɔhwe ɛmɔ nwo befi ye nwo.