Edwein 38:6 - AHYERƐLƐ KRONGRON

⁶ Me nu akondo, nna ayanga pakayaa, na daa biala medi aworabɔlɛ.

Edwein 38:6 Iomraidhean Croise

YOB NWOMAA NE 30:28

Nna eyia yeɛ wamaa mapini ɔ, na mmom aworabɔlɛ ɔ, na megyina badwa nu mesu mepena mmokalɛ.

YOB NWOMAA NE 7:5

Me nwonaen alɔ nnɔboakoma, na wayɛ fiɛ betɔɔ, me wereɛ apakyepakye, na otwi nzue.

Edwein 107:17

Ebiemɔ yɛle ngwaseafoɛ ɔnate bɛ mmeraatolɛ ti, na ɔnate b’amumuyɛɛ ti benwuni amaneɛ.

Edwein 145:14

AWURADE sɔ bɛ bɔ bɛtete begua ɔ amukoraa nu, na ɔma bɛ bɔ baboto ɔ so.

Edwein 31:10

Aworabɔlɛ piapia me kɔ ewue nu, na m’afoɛ amukoraa wayɛ ɛpenenɛ ngome. M’amumuyɛɛ ama m’anwoserɛ so ate, na m’aporɛ nu ayɛ me hodwoo.

Edwein 35:14

kyɛ ebiaa mesu me damvo anaa nniɛma bie; nzili me ti ase nnili aworabɔlɛ, kyɛ ebie bɔ osũ oni ɔ.

Edwein 42:5

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Edwein 42:9

Mebisa AWURADE bɔ ɔte me nyɔbotaen ne kyɛ, “Nzu ati yeɛ wɔ wora afi me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?”

Edwein 43:2

Ofikyɛ wɔ yeɛ ɛte Nyameɛ bɔ menwati mebafea wɔ nu ɔ; na nzu ati yeɛ apo me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?

Edwein 57:6

Basua me ngaen, me kra wora abɔ. Betuli kumaa wɔ m’atee nu, nakoso bapɛ bɛ nwo batete bagua nu. Sela

Edwein 6:6

Ɛpenenɛ amaa mayɛ hodwoo; kɔngɔen biala, ɛmoen ma me bɛen doa fotii, na me suɛ ma me mba doa.

Edwein 88:9

Aworabɔlɛ ama me nye mmaa apakye. Ao AWURADE, daa mesu mefrɛ wɔ; metrɛ me sa nu mebɔ mbaeɛ mekyire wɔ.

Yesaya 38:14

Mesu meteatea nu kyɛ nandwinoma anaa bɔlanoma, mepene kyɛ abubure. Mepagya me nye menea anwuro toonn ma me nye mmaa yɛ mmosonoo. O AWURADE, mali amia, pepɛ de me!