Edwein 37:3 - AHYERƐLƐ KRONGRON

³ De AWURADE di, na yɔ bɔ ɔte paa ɔ; amaa ɔnate so anya aseɛ ne aso atena, ná wɔ nwo atɔ wɔ.

Edwein 37:3 Iomraidhean Croise

Gyenesise 26:2

Yeɛ AWURADE yele ye nwo ali hyirele Yisake sele ye kyɛ, “Nnɛkɔ Misraim, na mmom tena aseɛ bɔ mebaahyire wɔ ye aso.

Gyenesise 26:3

Tena aseɛ ye aso kyɛ ɛwɔfoɛ, na ngogyina wɔ si na mayira wɔ; ofikyɛ ngɔfa sɔ aseɛ ye mɔ amukoraa ngɔma wɔ ne wɔ bosofoɛ na mamaa bɔhyɛ bɔ nhyɛle ɛse Abraham ne awa nu.

1 Ahemvo 19:6

Elia pagyale ye ti, na onwuni apiti bɔ bato ye nyɔboɛ hyerɛhyerɛ so ɔ, ɔne nzue bua ko kyɛ begyi nekaa bɔ ye ti la ne ɔ. Odidili none nzue, na osa fale nu lafele.

Edwein 26:1

Ao AWURADE, bua me be, ofikyɛ mafa pɛpɛɛpɛyɛlɛ manate; na mafa me nwo mato AWURADE so bɔ mengɔnwɔngye mengɔtɔ ɔ.

Edwein 33:19

kyɛ ɔkɔpepɛ kole bɛ kra kofi ewue nu, na sɛ ɛhɔen piri ba a, ɔkɔmaa bekonya bɛ ti bekodidi nu.

Edwein 4:5

Ɛ́mɔbɔ afɔleɛ bɔ ɔtengyɛ ɔ; ná ɛ́mɔfa ɛmɔ wora bewura AWURADE nu.

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Anyandera 3:5

Fa wɔ wora amukoraa wura AWURADE nu, na nnɛfa wɔ nwo to wɔ bɔbɔ wɔ nworɛ so.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Luka 22:35

Na obisale bɛ kyɛ, “Mmerɛ bɔ nzomane ɛmɔ bɔ ɛmɔamva sikaabɔtɔ, anaa ateetulɛ bɔtɔ, anaa mbaboa ne, nikyee bie hiane ɛmɔ anaa?” Na bebuale kyɛ, “Daabi, yanhia hwee.”

Deuteronomi 30:20

Kuro AWURADE wɔ Nyameɛ dwirɛ, tie ye dwirɛ, ná fa wɔ nwo bɔ ye; ofikyɛ, sɔ yeɛ ɔkɔmaa ekonya ngoa ná anyi ahyɛ ɔ. Na ɛkɔtena aseɛ bɔ AWURADE tale ndaen kyɛ ɔkɔfa kɔma wɔ nana mɔ Abraham, Yisake ne Yakob ne aso.”

1 Samuel 26:19

Nana, me mene, tie wɔ somvoɛ noa dwirɛ. Sɛ AWURADE yeɛ wamaa atu me anyeɛ a, ye de mesrɛ kyɛ ole afɔleɛ ná ɔyakyi. Nakoso sɛ kuro mmenia ahɔ de a, ye de AWURADE tua bɛ kerɛ, ofikyɛ ɛnɛ bafoa me bafi AWURADE agyapadeɛ ne anwo bɔ mengonya bie ɔ. Na bɛnwa: ‘Kɔso nyameɛ foforɛ biemɔ.’