Edwein 36:4 - AHYERƐLƐ KRONGRON

⁴ Ɔla ye bɛen so a, nzɛmmɔne yeɛ osusu ye nwo ɔ; wape bɔne atee so, na ongyi bɔne.

Edwein 36:4 Iomraidhean Croise

Ɛseta 5:14

Yeɛ ɔye Sɛrese ne ye damvo nemɔ amukoraa besele ye kyɛ, “Maa bɛfa bakaa bɔ ye tendenn te agyirɛ aburannu ɔ bɛpena berɛ, ná ka kyire Nana Ahasuro ɛhema ngyerɛmɔ, kyɛ ɔma bɛbɔ Modekae kɔme wɔ so. Na afei fa anigye ɛne Nana bɛhɔ ɛpoentolɛ ne abo.” Sɔ nzusuleɛ ne yɛle Haman fɛ, na ɔmaa bɛfale bakaa ne bɛpenane berɛ.

Ɛseta 6:4

Na Nana Ahasuro bisale kyɛ, “Nwa yeɛ ɔwɔ ahemvie ne akunu berɛ ne?” Sɔ mmerɛ ne, né Haman adwu ahemvie aluo berɛ pato nu berɛ, kyɛ ɔbaahã kyire Nana kyɛ ɔ́pene so ma bɛbɔ Modekae kɔme wɔ bakaa bɔ wafa wapena berɛ wama Modekae ne aso.

YOB NWOMAA NE 15:16

Né nzaade busueniɛ bɔ ye suban aporɔ, bɔ wafa amumuyɛɛ wayɛ ye nzue ne, ogyi ye sɛ!

Edwein 38:12

Bɛ bɔ bɛpena me beku me ne, basunzua me ngaen; bɛ bɔ bɛpena me bepura me ne, m’asefinɛ nwo dwirɛ yeɛ bɛkã ɔ, na daa biala bɛbɔ me nwo porɛ.

Edwein 52:3

Wɔ nye gye bɔne nwo tra paa, yeɛ ekuro anoanupɛlɛ tra nahorɛhanɛ. Sela

Edwein 97:10

Ɛmɔ bɔ ɛmɔkuro AWURADE dwirɛ ne, odi kyɛ ɛmɔkyi bɔne; ɔbɔ ye anwoteefoɛ bɛ kra nwo waen, na ɔpepɛ de bɛ fi bɔnefoɛ mɔ sa nu.

Anyandera 24:2

ofikyɛ bɛbɔ porɛ tɛɛ, na bɛ noa kekã musue dwirɛ.

Anyandera 24:23

Nworɛniɛ ne, ɛhemɔ koso te ye noa dwirɛ: Ɔtte mayee kyɛ ekobua ndɛengyea ɔ.

Anyandera 4:16

Ofikyɛ bɛ de bɛnna, sana bayɔ bɔne koraka, nnakorɔkorɔ tɔ bɛ so, sana bama ebie afi ase koraka.

Yesaya 65:2

Ndrɛtrɛle me sa nu daa mukoraa mane maen bɔ wayɛ lɔen ne, bɔ bɛnate atee bɔ ɔtte mayee so, bɔ bedi bɛ bɔbɔ bɛ ti piri ne;

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Yeremia 8:6

Mayɛ asoɛ matie, nakoso bɔ bɛkã ne, nahorɛ nne nu; ebiala nne berɛ bɔ onya ye bɔne nwo nnuhoɛ ɔ, bɔ ɔkã kyɛ, ‘Na nzikyɛ yeɛ mayɔ e?’ Ebiala wamakye waafa ye bɔbɔ ye atee so, kyɛ pɔngɔ bɔ ole amirika ɔkɔ koɛ noa ɔ.

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Mika 2:1

Bɛ bɔ besusu amumuyɛɛ nwo, ná bɛdwene bɔne nwo wɔ bɛ bɛen so ne, bɛ yaakɔ! Aleɛ kye a, bɛyɔ sɔ, ofikyɛ ye nwo tumi wura bɛ sa.

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Mateo 27:1

Na aleɛ hyene ne, asɔfo mbanyi ne maen mbanyi amukoraa bɛhɔle Yesu nwo agyina bɛbɔle porɛ kyɛ bekohu ye.

Asomafoɛ 23:12

Aleɛ hyene nen, Yudafoɛ biemɔ yɛle ko bɛfale adwene; na bɛtale ndaen kyɛ bengodidi anaa bɛngɔno hwee, sana banya Pɔɔlo bahu ye koraa.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

Nyekyire 2:2

Mese wɔ nnwumaa, wɔ fɛɛ ne w’animia, ɔne kyɛbɔ ɛngora nzosɔ bɔnefoɛ so, ná mmom aso bɛ bɔ bɛnwa bɛte asomafoɛ nakoso bɛtte asomafoɛ ɔ anea, na anwu bɛ kyɛ bɛte ngondombofoɛ.

1 Samuel 19:11

Sɔɔlo tuli mmenia maa bɛhɔle Dawide awuro kyɛ bɛɛtɛ ye behũ ye ngyerɛmɔ. Nakoso Dawide tiale Mikal gya so kyɛ, “Sɛ annwati kɔngɔen ye a, ɛhema ngyerɛmɔ bekohu wɔ.”