Edwein 34:7 - AHYERƐLƐ KRONGRON

⁷ Bɛ bɔ besuro AWURADE ne, ye abɔfo bɔ bɛ nwo waen bra yia, na ɔpepɛ de bɛ.

Edwein 34:7 Iomraidhean Croise

2 Ahemvo 19:35

Sɔ kɔngɔen ne ala, AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Aleɛ hyene ne, né efuin ngome yeɛ begua berɛ ɔ.

2 Ahemvo 6:17

Yeɛ Elisa bɔle mbaeɛ kyɛ, “Ao AWURADE, mesrɛ wɔ, te ye nye maa onwu nikye bɔ ɔkɔ so ɔ.” Yiti AWURADE tele somvoɛ ne nye. Na onwuni kyɛ mbɔngɔ ne see teaseɛnam mɔ bayɛ mitimiti wɔ bokaa ne aso bapɛ Elisa nwo amukoraa bayia ɔ.

Edwein 138:3

Kyẽa bɔ nzu mvrɛle wɔ ne, etiele me sufrɛ, na ɛmane me kra hɔle so nyane anwoserɛ.

Edwein 139:5

Abɔ me nyunu ne me si nwo waen, na afa wɔ sa ato me so.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 91:11

Ofikyɛ ɔnate wɔ ti, ɔkɔfa ahyɛdeɛ kɔma ye abɔfo mɔ, kyɛ bɛnea wɔ so wɔ w’atee amukoraa so.

Ɛksadɔso 22:22

Nnɛma ɛmɔsisi kunaniɛ brasua, anaa awisianiɛ biala.

Ɛksadɔso 22:26

Sɛ ede ebiɛngo tena ɛfa si wɔ berɛ awowaa a, fa ye nikyee kɔma ye koraka né eyia atɔ;

Daniel 6:22

Me Nyameɛ wasoma ye abɔfo maa waahã gyata nemɔ bɛ noa wato nu, yiti banyɔ me huu, ofikyɛ wanwu me kyɛ medi be wɔ ye nyunu; yeɛ Nana, wɔ nyunu koso nnyɔle bɔne biala.”

Sakaria 9:8

Afei ɔnate ɛlɔen ne ati, ngɔto waen ngɔfa m’awuro ne anwo, ɔnate mmenia bɔ bɛpɛ nu berɛ bɛkɔ, ɔne bɛ bɔ besa bɛba ne ati, na nhyɛsoɛniɛ biala ngɔpɛ nu ngɔfa bɛ nu berɛ ko, ofikyɛ afei de, mefa me nye menea.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Luka 16:22

“Na ɔwale kyɛ ehianiɛ ne wuli, na abɔfo mɔ bɛɛfale ye maa ɔhɔle Abraham berɛ. Esikaniɛ ne koso wuli, na besiele ye.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?