Edwein 34:21 - AHYERƐLƐ KRONGRON

²¹ Bɔne kohũ amumuyɛɛfoɛ, na bɛ bɔ bɛpɔ teneneefoɛ ne, ongoyie bɛ yé.

Edwein 34:21 Iomraidhean Croise

1 Ahemvo 22:37

Yiti Nana Ahabo wuli, bɛfale ye bɛhɔle Samaria na besiele ye wɔ berɛ.

1 Ahemvo 22:8

Yeɛ Yisrael hene buale Yehosafate kyɛ, “Waha ko bɔ yɛkɔhora yɛkobisa ye AWURADE noa dwirɛ ɔ. Ye ole Yimila awa Mikaya. Nakoso mekyi ye kɔkɔkɔkɔ, ofikyɛ ɔnhyɛ ngɔm paa biala mva me nwo, sana musue nwo ngɔm ala yeɛ ɔhyɛ fa me nwo ɔ.” Na Yehosafate sele kyɛ, “Nana, nnɛkã ye sɔ.”

Edwein 20:8

Bɛ de, besoti befifi ase, nakoso yɛ de, yɛdwɔso yɛgyina berɛ kyirebeinn.

Edwein 40:15

Bɛ bɔ bese me kyɛ, “Ehee, ehee!” ne, ma b’animguaseɛ ne ɔma bɛ bɔbɔ bɛ nwo dwiri bɛ.

Edwein 89:23

Ngɔpɛkyɛ ye pɔfoɛ mɔ wɔ ye nyunu, ná mahũhũ bɛ bɔ bekyi ye ɔ.

Edwein 94:23

Okotua bɛ b’amumuyɛɛ so kerɛ, ná ɔnate bɛ bɔne ti wanua bɛ boso. Amba, AWURADE yɛ Nyameɛ konua bɛ boso.

Ɛksadɔso 12:46

Awuro ko anu ala yeɛ odi kyɛ ɛmɔtena bedi ɔ; nnɛma ɛmɔfa naen ne bie befite aluo, yeɛ nnɛma ɛmɔbɔ ye bowue nu.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Anyandera 24:16

ofikyɛ, teneneeniɛ kɔhora kofĩ ase pɛen nzoo, nakoso osa dwɔso, nakoso bɔnefoɛ de, musue to ye ma ye ayieleɛ yie ye.

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Luka 19:14

Nakoso ye maen ne anu ama de, né bɛpɔ ye, yiti betuli ɛbɔfoɛ mɔ maa bɛpole ye so bɛɛhane kyɛ, ‘Yɛmbena kyɛ sɔ biaa he odi yɛ so hene.’

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

2 Tɛsalonika 1:6

Ofikyɛ ɔtengyɛ wɔ Nyameɛ nyunu kyɛ okotua bɛ bɔ bɛma ɛmɔnwu amaneɛ ne so kerɛ ɔ,

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.

1 Samuel 31:4

Na Sɔɔlo sele ye somvoɛ bɔ otira ye akodeɛ ne kyɛ, “Twe wɔ ngrandɛ ne fa wɔ me. Anyɔ a, mmenia hemɔ bɔ bɛmbɛ bɛ bienzua ye, bɛkɔɔfa bie bɛkɔwɔ me ná bagoro me nwo.” Nakoso ye somvoɛ bɔ otira ye akodeɛ ne ambene so kyɛ ɔkɔyɔ sɔ ɔ, ofikyɛ ɛserɛ piri hane ye. Yiti Sɔɔlo fale ye bɔbɔ ye ngrandɛ ne, na ɔtole ye nwo yele so huni ye nwo.