Edwein 34:2 - AHYERƐLƐ KRONGRON

² AWURADE nu yeɛ me kra hoahoa ye nwo ɔ, odi kyɛ anwobrɛaseɛfoɛ betie, ná bɛ nye gye.

Edwein 34:2 Iomraidhean Croise

YOB NWOMAA NE 1:21

Na ɔhane kyɛ, “Mvi me ni akunu méba ne, né me nwo la so, na ye sɔ ala yeɛ ngosa ngɔfa ngɔhɔ ɔ. AWURADE yeɛ ɔfa mane me ɔ, yeɛ AWURADE asa ale ɔ. Animnyam hã AWURADE dumaa.”

Edwein 105:3

Ɛ́mɔfa ye dumaa krongron ne bɛhoahoa bɛ nwo. Bɛ bɔ bɛpena AWURADE si atee ne, ma bɛ nye gye.

Edwein 119:74

Bɛ bɔ besuro wɔ ne, bekonwu me bekoli ahurusi, ofikyɛ mafa me wora mawura wɔ dwirɛ ne anu.

Edwein 142:7

Ye me kra fi kuku nu, amaa ɔnate so maye wɔ dumaa ayɛ. Teneneefoɛ bɛkɔpɛ me nwo bekoyia, ofikyɛ alo me paa.

Edwein 44:8

Na wɔ, Nyameɛ de, wɔ nu yeɛ yɛhoahoa yɛ nwo daa amukoraa ɔ, na yɛkɔye wɔ dumaa ne ayɛ afebɔɔ. Sela

Yesaya 45:25

AWURADE nu yeɛ Yisrael boso ama mukoraa bekoli ngonim bekonya animnyam ɔ.”

Yeremia 9:24

Na mmom ebiala bɔ ɔhoahoa ye nwo ne, odi kyɛ ɔhoahoa ye nwo kyɛ ole nimdeɛ, ná ɔse me kyɛ me ole AWURADE bɔ mefa ɔdɔ bɔ onni ngasi, ndɛenbualɛ turoloo ne nahorɛlilɛ yeɛ meyɛ me nningyein wɔ aseɛ ye aso ɔ. Na sɔ nningyein nemɔ yeɛ me nye gye bɛ nwo ɔ, AWURADE noa dwirɛ ɛne.”

1 Korintofoɛ 1:31

Ɛhe ati, bahyerɛ kyɛ, “Ebiala bɔ ɔhoahoa ye nwo ne, maa ɔhoahoa ye nwo wɔ Awurade nu.”

2 Korintofoɛ 10:17

“Ma ebiala bɔ ɔhoahoa ye nwo ne, ɔfa Awurade hoahoa ye nwo.”