Edwein 34:11 - AHYERƐLƐ KRONGRON

¹¹ Ao me mma mɔ, ɛmɔbra beetie me noa dwirɛ, na ngohyire ɛmɔ AWURADE surolɛ ne.

Edwein 34:11 Iomraidhean Croise

YOB NWOMAA NE 4:11

Sɛ gyata onnya naen ngye ye nni a, owu, na gyata beleɛ ye mma nemɔ bɛbɔ aya.

Edwein 107:9

Ofikyɛ ɔma sona kra bɔ nzuhɔen ku ye ɔ nzue, na ɔfa aleɛ paa ma sona kra bɔ ɛhɔen ku ye ɔ ma ye ko yi.

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Edwein 112:3

Anwonyadeɛ ne esikaa wɔ ye awuro, na ye tenenee wɔ berɛ afebɔɔ.

Edwein 23:1

AWURADE yeɛ ɔte me neafoɛ ɔ, yiti hwee ngohia me.

Edwein 32:8

(AWURADE nwa nyoo): Ngohyirehyire wɔ ná mahyire wɔ atee bɔ ɛfa so ɔ; me nye wɔ wɔ so, na ngotu wɔ foɛ.

Edwein 66:16

Ɛmɔ amukoraa bɔ ɛmɔsuro Nyameɛ ɔ, ɛmɔbra beetie, na bɔ wayɔ wama me ne, ngɔhã ngohyire ɛmɔ.

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Anyandera 22:6

Tete akwadaa ma onwu atee paa bɔ odi kyɛ ɔfa so ɔ, amaa sɛ onyi a wamvi so.

Anyandera 4:1

Mmaa, ɛ́mɔtie ɛmɔ baba mɔ foɛtulɛ, ná ɛ́mɔyɛ asoɛ betie, amaa ɔnate so ɛmɔsua nworɛ.

Anyandera 7:24

Afei, me mma mɔ, ɛ́mɔtie me e, ná ɛ́mɔyɛ asoɛ bétie me noa dwirɛ.

Anyandera 8:17

Bɛ bɔ bekuro me dwirɛ ne, mekuro bɛ dwirɛ, na bɛ bɔ bɛ nye boro bɛpena me ne, benwu me.

Anyandera 8:32

“Afei, me mma mɔ, ɛ́mɔtie me e, bɛ bɔ bɛnate m’atee so ne, benya saleɛ.

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Yesaya 28:9

“Nwa yeɛ okohyire ye nimdeɛ ɔ? Nwa yeɛ okohyirehyire ngyerɛkyerɛ ne anu kohyire ye ɔ? Bɛ bɔ bapɛ bɛ nyɔfone anaa? Bɛ bɔ bate bɛ bafi nyɔfone noa anaa?

Yohane 13:33

Me ngwadaammaa, mmerɛ kãa bie yeɛ waha bɔ me ne ɛmɔ yɛkɔtena ɔ. Ɛmɔkɔpena me, na kyɛbɔ nga ngyirele Yudafoɛ ne kyɛ, ‘Nekaa bɔ mekɔ ne, ɛmɔngɔhora berɛ bie ba’ nen, sɔ ala yeɛ mekã mekyire ɛmɔ koso kekesaala ye ɔ.

2 Timoteo 3:15

ɔne kyɛbɔ ofi wɔ ngwadaa nu yeɛ anwu Ahyerɛlɛ Krongron ne kyɛ ɔkora maa enwu nworɛ bɔ ɔnate Yesu Kristo nu gyidie so ɔfa wɔ kɔ ngoalelɛ nu ɔ.