Edwein 33:6 - AHYERƐLƐ KRONGRON

⁶ AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.

Edwein 33:6 Iomraidhean Croise

Gyenesise 1:1

Ahyɛaseɛ ne, Nyameɛ bɔle anwuro ne aseɛ.

Gyenesise 1:6

Na Nyameɛ hane kyɛ, “Ewienu bra, na ɔɔtete nzue nemɔ anu!” Na ɔwale nu sɔ.

Gyenesise 2:1

Yiti sɔ yeɛ Nyameɛ bɔle anwuro ne aseɛ ne bɛ nu nningyein mukoraa yiele ɔ.

Gyenesise 2:7

Na AWURADE Nyameɛ fale aseɛnwo nnɛterɛ nwone kuro sona, na olele ngoa nwomeɛ guale ye bonyi anu, na kuro sona ɔɔyɛle teasefoɛ.

Gyenesise 6:7

Yiti AWURADE hane kyɛ, “Ngonua kuro sona bɔ mabɔ ye ne boso ngofi aseɛ ye aso: mmenia ne ngaka mbiri ne ngaka bɔ bɛtwe bɛ nwo ase ne ewienu nnomaa, ofikyɛ manu me nwo kyɛ nyɔle bɛ ɔ.”

YOB NWOMAA NE 26:13

Ɔfale ye nwomeɛ mane ewienu tele kaenn, yeɛ ɔfale ye sa sinane ewoo bɔ ɔnwati ne.

YOB NWOMAA NE 33:4

Nyameɛ Sunzum yeɛ ɔbɔle me ɔ, na Tuminiɛ ne, ye nwomeɛ yeɛ ɔma me ngoa ɔ.

Edwein 104:30

Ɛsoma wɔ nwomeɛ yeɛ ɛfa bɔ bɛ ɔ; na ɛma aseɛ so nningyein yɛ foforɛ.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Yeremia 10:16

Ye bɔ ɔte Yakob kyɛfa ne, ye de ɔtte kyɛ bɛ, ofikyɛ ye yeɛ ɔbɔle nningyein amukoraa ɔ; Yisrael te maen bɔ ɔte ye agyapadeɛ ɔ, na ye dumaa ole Asafo AWURADE.

Yeremia 8:2

Bɛkɔfa bɛ bɛkɔsamo ɛhemɔ anyunu: eyia, ɛsraen ne nyameɛso abɔdeɛ amukoraa bɔ behurole bɛ dwirɛ, bɛsole bɛ, belili bɛ si, ná bɛhɔle bɛ berɛ abisa bɛsɔnene bɛ ne. Bɛngɔboaboa mmowue nemɔ anoa, yeɛ bengosie bɛ; bɛkɔyɛ kyɛ fofoɛ wɔ aseɛ so.

Yohane 20:22

Na ɔhane sɔ nen, olele nwomeɛ guale bɛ so, na osele bɛ kyɛ, “Ɛmɔle Sunzum Krongron ne!

Romanfoɛ 1:25

Ofikyɛ nahorɛ bɔ ɔfa Nyameɛ nwo ne bɛfa bɛsesane ngondombo. Bɛsɔnene na bɛsole abɔdeɛ, na bɛyakyili Ɛdangama Nyameɛ bɔ saleɛ te ye deɛ afebɔɔ ne! Amen.

Deuteronomi 4:19

Na sɛ ɛto wɔ nye anwuro ná enwu eyia, ɛsraen, nzramaa ne anwuro abɔdeɛ pembepembe mukoraati a, nnɛmaa ɔtwetwe wɔ maa egua ndwerɛ wɔ bɛ nyunu, ná anzɔne bɛ, ofikyɛ bɛte nningyein bɔ AWURADE wɔ Nyameɛ afa ama mmenia mukoraati bɔ bɛwɔ wiase nekaa biala ɔ.

Hebrifoɛ 11:3

Ɔnate gyidie so yɛnya ndeaseɛ kyɛ Nyameɛ noa dwirɛ yeɛ ɔfa bɔle aleɛ ɔ, yiti nningyein bɔ anyeɛ nwu bɛ ne, bammɔ bɛ bamvi nningyein bɔ anyeɛ nwu bɛ ɔ nu.

2 Petro 3:5

Bɛboapa bɛyɛ kyɛ bɛnze kyɛ, ofi tetetete ne, né anwuro wɔ berɛ, na aseɛ fi nzue nu yeɛ ɔwale ɔ, ofi nzue nu yeɛ ootimuni berɛ ɔ, na ɔnate Nyameɛ noa dwirɛ so.