Edwein 33:4 - AHYERƐLƐ KRONGRON

⁴ Ofikyɛ AWURADE dwirɛ ne ɔtengyɛ, na odi nahorɛ wɔ bɔ ɔyɔ amukoraa nu.

Edwein 33:4 Iomraidhean Croise

Gyenesise 24:27

kyɛ, “Animnyam hã AWURADE, me mene Abraham Nyameɛ bɔ wamma ye wora amvi ye paayɛlɛ ne ye nahorɛ bɔ odi ma me mene ɔ. Na me koso, AWURADE ayɛ me taataa wafa me wawa me mene abusuafoɛ awuro.”

Edwein 119:128

Yiti megyina wɔ dwirɛ so yeɛ mebɔ me bra ɔ; na mekyi ngondombo atee biala.

Edwein 119:75

Ao AWURADE, mese kyɛ wɔ ndɛenbualɛ te turoloo, na ɛnate nahorɛlilɛ so ahwe me so.

Edwein 12:6

AWURADE bɔhyɛ te bɔhyɛ bɔ ye nwo te ɔ, ɔte kyɛ ɛdwetɛ bɔ bapɔ ye nwo wɔ ɛfaa afaa nu ɔ, bɔ bapɔ ye nwo pɛen nzoo ɔ.

Edwein 19:8

AWURADE ahyɛdeɛ te turoloo, ɔma sona ahone tɔ ye kunu; AWURADE mmeraa dwirɛ nwo te, na obukye sona nye.

Edwein 25:10

AWURADE atee amukoraa te ɔdɔ bɔ onni ngasi ne nahorɛ ma bɛ bɔ bedi ye apam ne ye dwirɛ so ɔ.

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Anyandera 30:5

Nyameɛ noa dwirɛ biala te sannwuu, ɔte akokyɛm ma bɛ bɔ bɛfa bɛ wora bewura ye nu ɔ.

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Mika 2:7

Ao Yakob boso ama, aso odi kyɛ bɛkã kyɛ, AWURADE Sunzum ne, aso olle aboterɛ anaa? Aso ye sa noa adwuma ɛhe? Aso me dwirɛ onziezie sona bɔ ye bra tengyɛ ɔ?

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Romanfoɛ 7:12

Yiti mmeraa ne te krongron, na ahyɛdeɛ ne koso te krongron, ɔte tenenee, na ɔte paa.

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;