Edwein 33:2 - AHYERƐLƐ KRONGRON

² Ɛ́mɔfa sangoo bɛye AWURADE ayɛ; ɛ́mɔfa sangoo bɔ ye nyamaa buru ne bɛto ye nwo anigye dwein.

Edwein 33:2 Iomraidhean Croise

2 Samuel 6:5

Na Dawide ne Yisrael awuro ama amukoraa bɛfale sangoo, adengum, akasaa, donno ne firikyiwa bɛfale b’anwoserɛ mu bɛtole dwein begole abilie wɔ AWURADE nyunu.

1 Aberɛso Dwirɛ 15:16

Dawide sa fale ahyɛdeɛ mane Lewi abusua kure mbanyi ne, kyɛ bɛye edweintolɛfoɛ maa bɛbɔ sangoo, adengum ne firikyiwa bɛto anigye dwein.

1 Aberɛso Dwirɛ 15:28

Yiti Yisrael mukoraa bele esebɔlɛ, awɛenhulɛ, totorobɛndohulɛ ne firikyiwabɔlɛ bɛɛfale AWURADE apam alaka ne bɛwale, na né bɛbɔ adengum ne sangoo bɛto dwein serɛserɛ paa.

1 Aberɛso Dwirɛ 25:3

Yedutun abusuafoɛ ne, bɛ ole Gedalia, Seri, Yehyaya, Simei, Hasabia ne Matitia: bɛte nzia. Bɛ baba Yedutun bɔ ɔbɔ sangoo ɔfa ɔhyɛ ngɔm ɔda AWURADE ase ɔye ye ayɛ ne, ye yeɛ né ɔla bɛ noa ɔ.

1 Aberɛso Dwirɛ 25:6

Edwein bɔ né bɛbɔ firikyiwa, sangoo ne adengum bɛto ye wɔ AWURADE awuro bɛfa bɛyɔ Nyameɛ awuro berɛ ɛsɔnenɛ adwuma ne, né bɛ baba nemɔ yeɛ bɛlela bɛ mukoraa bɛ noa ɔ. Asafe, Yedutun ne Heman de, né ɛhene bɔbɔ yeɛ ɔnea bɛ so ɔ.

Edwein 144:9

Ao Nyameɛ, ngɔto edwein foforɛ ngɔye wɔ ayɛ; sangoo bɔ ye nyamaa buru yeɛ ngɔbɔ ngɔye wɔ ayɛ ɔ.

Edwein 149:3

Odi kyɛ bɛfa abilie bɛye ye dumaa ayɛ, odi kyɛ bɛfa akasaa ne adengum bɛto ye nwo dwein.

Edwein 71:22

Ao me Nyameɛ, ɔnate wɔ nahorɛlilɛ ti, ngosa ngɔbɔ adengum ngɔye wɔ ayɛ; Ao Yisrael Krongronniɛ, ngɔfa sangoo ngɔto wɔ nwo ayɛyelɛ dwein.

Edwein 92:3

mmerɛ bɔ bɛbɔ sangoo bɔ ye nyamaa buru ɔne adengum ne, odi kyɛ bɛfa sangoo bɛto dwein.

Edwein 92:4

Ofikyɛ wɔ AWURADE, ɛnate bɔ ayɔ ɔ so ɛma me nye agye; medi ahurusi meto wɔ sa noa adwuma ne anwo dwein.

Ɛksadɔso 15:20

Afei ngɔmhyɛlɛniɛ Miriam bɔ ɔte Aarɔn aliɛma brasua ne, ɔfale akasaa tirale, na mmrasua ne amukoraa bɛwosole akasaa begole abilie befitele belili ye si.

Nyekyire 14:2

Na ndele komviɛ bie mvili nyameɛso bɔ ɔte kyɛ asue pee bɔ bɛsẽ wuruwuru, ɔne esue bɔ ɔbɔ nu kurudududu serɛserɛ ɔ. Na komviɛ bɔ ndele ne, ɔte kyɛ sangoobɔlɛfoɛ bɔ bɛbɔ bɛ sangoo ɔ.

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.