Edwein 33:16 - AHYERƐLƐ KRONGRON

¹⁶ Ɛhene biala, nna ye koɛhonɛfoɛ somaa yeɛ bɛkora bɛpepɛ bede ye ɔ; yeɛ koɛhonɛniɛ koso, nna ye anwoserɛ kandinga yeɛ ɔpepɛ de ye ɔ.

Edwein 33:16 Iomraidhean Croise

Edwein 44:3

Nna bɛ bɔbɔ bɛ ngrandɛ yeɛ bɛfa bɛhone belele aseɛ ne ɔ, yeɛ nna bɛ bɔbɔ b’anwoserɛ yeɛ ɔmaa belili ngonim ɔ; na mmom wɔ sa famaa ne, w’anwoserɛ ne, ɔne wɔ nyunu kanea bɔ ɔbokale bɛ ne ɔ, ofikyɛ ekuro bɛ dwirɛ.

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

2 Aberɛso Dwirɛ 20:23

Ofikyɛ Amonfoɛ ne Moabofoɛ bɛfale koɛ bɛtoale Sɛrefoɛ nemɔ behuhuni bɛ pasaa. Na behuhuni Sɛre bokaa so ama beyiele ne, bɛpɛle bɛ nwo behuhuni bɛ nwo.

Maenbulɛfoɛ 7:2

Na AWURADE sele Gideon kyɛ, “Koɛhonɛfoɛ bɔ bɛboka wɔ so bɔ mepena kyɛ mefa Midianfoɛ mewura bɛ sa ne, bɛsone soma. Ɔba ye sɔ a, Yisrael kɔhoahoa ye nwo kohyire me, ná waha kyɛ, ‘Me bɔbɔ m’anwoserɛ yeɛ wapepɛ wale me ɔ.’

Ɛksadɔso 14:28

Nzue ne ha tuale, na ɔfale teaseɛnam nemɔ, pɔngɔhanɛfoɛ nemɔ, ɔne Faro ɛlɔen amukoraa bɔ bɛpole Yisraelfoɛ so wɔ ɛpo ne anu ne. Bɛ nu ko po anga.

2 Aberɛso Dwirɛ 32:21

Na AWURADE somane abɔfo ko maa oohuhuni koɛhonɛfoɛ atitire nemɔ, safohene nemɔ ne mbanyi amukoraa bɔ bɛwɔ Asiria hene asikyeleɛ ne anu ne. Yiti Senakeribo le animguaseɛ sa hɔle ye bɔbɔ ye maen nu. Oodwuli ye bosoen sua ne anu ne, ye bɔbɔ ye mma bele ngrandɛ behuni ye wɔ berɛ.

2 Aberɛso Dwirɛ 20:12

Ao yɛ Nyameɛ, aso engotua bɛ so kerɛ? Ofikyɛ ɛlɔen piri ye bɔ bɛbaafa koɛ bɛtoa yɛ ye, yɛngɔhora bɛ nyunu gyina. Yɛnnwu bɔ yɛyɔ ɔ, yiti wɔ yeɛ yɛ nye la wɔ so ɔ.”

1 Samuel 17:4

Na bienzua kwabranoa bie fili Filistifoɛ asikyeleɛ ne anu oogyinane anyunu. Oli Goliate, ofi Gate, na ye tendenn te agyirɛ ngona ne bɛ sa mmɛseka ko.

Yosua 14:12

Yiti, mmokaa aseɛ he bɔ AWURADE hane ye nwo dwirɛ sɔ kyẽa nen, fa ma me. Sɔ kyẽa ne, ɛtele kyɛ né Anakefoɛ ne nguro mbiri bɔ bato bɛ nwo fasue mɔ wɔ berɛ. Nakoso ebiaa AWURADE kogyina me si maa ngɔfoa bɛ ngofi berɛ, kyɛbɔ AWURADE hane ne.”

1 Ahemvo 20:10

Ben Hadade sa somane maa beesele Ahabo kyɛ, “Me koɛhonɛfoɛ pee bɔ bɛ somaa ti, sɛ bɛ nu biala sa Samaria mvuture ye sa bum ko po a, ɔngɔso bɛ so ne, sɛ mamma baammanzɛkye kuro ye a, ye de nyameɛ nemɔ betua me kerɛ behũ me.”

Maenbulɛfoɛ 7:4

Yeɛ AWURADE sele Gideon kyɛ, “Koɛhonɛfoɛ nemɔ bɛtɛ sone. Fa bɛ torotoro kɔ asue ne noa, ná ngɔsa bɛ nu wɔ dɔ ngɔma wɔ. Sɛ meka kyɛ, ‘Ɛne ɛhesɔa bɛhɔ’ a, ye de ɛne ye bɛhɔ. Yeɛ sɛ meka kyɛ ‘Nnɛma ɛne ɛhesɔa bɛkɔ’ a, onni kyɛ ɛne ye bɛkɔ.”

1 Samuel 2:9

Ɔbɔ ye anwoteefoɛ nwo waen wɔ atee biala so, nakoso amumuyɛɛfoɛ de, bewuwu aworabɔlɛ wue; ofikyɛ nna anwoserɛ yeɛ sona fa di ngonim ɔ.

1 Ahemvo 20:15

Ahabo boaboale mmerandeɛ bɔ bɛso manzini amrado nemɔ bɛ noa. Bɛ somaa te ɛyaa nyɔ aburasa ne nyɔ. Afei ɔboaboale Yisrael koɛhonɛfoɛ ngaa ne amukoraa bɛ noa. Bɛ somaa te apee nzoo.

2 Aberɛso Dwirɛ 13:8

“Na afei de, ɛmɔdwene kyɛ ɔnate kyɛ ɛmɔte ɛlɔen piri, ná esikaa kɔkorɛ nandwie mmaa nyameɛ mɔ bɔ Yeroboam yɛ mane ɛmɔ ne, begyi ɛmɔ si ne ati, ɛmɔkɔhora bɛkɔho bekotia AWURADE ahennie bɔ Dawide boso ama mɔ bɛla ye noa ne?

YOB NWOMAA NE 36:7

Ɔnyakyi teneneefoɛ bɛ so nealɛ, ɔmaa bɛ ne ahemvo mɔ bedi bia daa, na ɔbɔ b’aba so.

YOB NWOMAA NE 39:11

Aso ye anwoserɛ ti ɛkɔfa wɔ wora kowura ye nu, anaa ɛkɔyakyi w’adwuma kowura ye sa kyɛ ɔyɔ?

Edwein 20:8

Bɛ de, besoti befifi ase, nakoso yɛ de, yɛdwɔso yɛgyina berɛ kyirebeinn.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Yeremia 48:14

“Ɔyɛ sɛɛ bɔ ɛmɔkekã kyɛ, ‘Yɛte katakyiefoɛ ne koɛhonɛfoɛ ahoneserɛfoɛ’ ɔ?

Hosea 10:13

Ɛmɔafundam bɔne yɔleɛ, ɛmɔapɛ amumuyɛɛ; ɛmɔali ngondombo mmaa. Ofikyɛ ɛfale wɔ nwo tole w’anwoserɛ so, wɔ koɛhonɛfoɛ ahoneserɛfoɛ nemɔ bɛ somaa so.

Amose 2:14

Yiti ɛnwatilɛ kɔbɔ anwonyeralɛniɛ, anwoserɛniɛ ye anwoserɛ kotu komini, yeɛ katakyie ngɔhora ngɔpepɛ ngole ye nwo.

Amose 2:15

Agyaentolɛniɛ ngɔhora ngogyina ye gya so; sona bɔ ye gya bo so yɛ nyera ne, ɔngɔhora ngɔpepɛ ngole ye nwo, yeɛ pɔngɔhanɛniɛ ngɔhora ngɔpepɛ ngole ye nwo.