Edwein 32:5 - AHYERƐLƐ KRONGRON

⁵ Afei ngane me bɔne ngyirele wɔ, na mangata m’amumuyɛɛ so. Ngane kyɛ, “Ngɔhã me mmeraatolɛ ngohyire AWURADE,” na ɛfale me bɔne nwo foɛlilɛ hyɛle me. Sela

Edwein 32:5 Iomraidhean Croise

2 Samuel 12:13

Yeɛ Dawide sele Natan kyɛ, “Yieee! Mayɔ bɔne matia AWURADE.” Na Natan buale Dawide kyɛ, “AWURADE afa wɔ bɔne wahyɛ wɔ, engowu.

2 Samuel 12:9

Nzu ati yeɛ ahwi afa AWURADE dwirɛ so aayɔ bɔ ɔte bɔne wɔ ye nyunu ɔ? Ahu Hitiniɛ Yuria, na afa ɔye agya. Amonfoɛ ngrandɛ yeɛ afa ahu ye ɔ.

2 Samuel 24:10

Dawide maa bɛhale mmenia ne beyiele nen, nziɛ ye, ye tiboa buale ye fɔ. Na Dawide fa tole AWURADE nyunu kyɛ, “Bɔ mayɔ ye, mayɔ bɔne paa. Nakoso AWURADE, mesrɛ wɔ ala, fa w’akoaa amumuyɛɛ kyɛ ye, ofikyɛ mali ngwaseasɛm paa.”

2 Samuel 24:17

Na Dawide nwuni abɔfo bɔ ogu so oku mmenia nemɔ nen, osele AWURADE kyɛ, “Bɔne ne, me ngome yeɛ mayɔ ɔ, mvomsoɛ ne, me ngome yeɛ mayɔ ɔ. Na mmenia hemɔ bɔ menea bɛ so ye de, nzikyɛ yeɛ bayɔ ɔ? Mesrɛ wɔ ala, ma w’ahonehulɛ ne ɔbra me ne me baba abusuafoɛ so.”

1 Ahemvo 8:50

Na wɔ mmenia bɔ bayɔ bɔne batia wɔ ne, bɔne ne b’amumuyɛɛ amukoraa bɔ bayɔ batia wɔ ne, fa kyɛ bɛ. Ma mmenia bɔ bahye bɛ nnure ne benwu bɛ anwumvoin, amaa ɔnate so banwu bɛ anwumvoin.

2 Aberɛso Dwirɛ 6:29

angorangora biala, anaa wɔ maen Yisrael amukoraa, sɛ b’amaneɛ ne b’aworabɔlɛ ma bɛ nye ba bɛ nwo so, maa ɔnate so bɛtengyɛ bɛ sa bɛfa bekyire sua ye a, kyɛ bɛ sufrɛ biala oo, kyɛ bɛ mbaeɛ biala oo,

Ɛsra 10:11

Yiti odi kyɛ ɛmɔde ɛmɔ bɔne bɛto nu bekyire AWURADE ɛmɔ nana mɔ Nyameɛ ne, ná ɛmɔyɔ bɔ ɔsɔ ye nye ɔ. Ɛmɔhwe ɛmɔ nwo befi aseɛ ne aso mmenia nwo, ɔne Amaenmaensofoɛ mmrasua nwo.”

YOB NWOMAA NE 31:33

Sɛ makata me mmeraatolɛ so kyɛbɔ adasa yɔ ne, bɔ mafa m’amumuyɛɛ mafea me ti anu,

YOB NWOMAA NE 33:27

Na sɔ sona ne to dwein kyire mmenia kyɛ, ‘Nyɔle bɔne, nyɔle bɔ ɔtte mayee ɔ, nakoso wandua me so kerɛ kyɛbɔ ɔfata ɔ.

Edwein 103:12

Kyɛbɔ eyia afiteleɛ ne eyia atɔleɛ b’afia si wale ne, sɔ ala yeɛ wamaa yɛne yɛ mmeraatolɛ y’afia atete ɔ.

Edwein 103:3

Ye yeɛ ɔfa w’amumuyɛɛ amukoraa kyɛ wɔ ɔ, ye yeɛ ɔsa w’anwonyerɛ amukoraa ɔ;

Edwein 25:16

Pɛne wɔ nye baanea me, ná nwu me anwumvoin, ofikyɛ waha me ngome, na menwu amaneɛ.

Edwein 25:18

Nea yealɛ ne amaneɛ bɔ menwu ye ɔ, ná fa me bɔne amukoraa kyɛ me.

Edwein 30:5

Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

Edwein 38:18

Mefa m’amumuyɛɛ meto dwaa, na medi yealɛ wɔ me bɔne nwo.

Edwein 38:19

Bɛ bɔ bɛpɔ me mbaen ne, bɛ nye yɛ se paa; bɛ bɔ bekyi me kɔkɔkɔkɔ ne, bɛsone pee.

Edwein 51:6

Amba, ɛpena nahorɛlilɛ wɔ sona nu, yiti maa nwu nworɛ wɔ me nu mvealeɛ nu dɔ.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Anyandera 30:20

Brasua bɔ ɔsɛkye agyaa ne, sɔaa yeɛ ye suban te ɔ: odidi, ná afei waprapra ye noa nwo wahã kyɛ, “Nnyɔle bɔne biala.”

Yesaya 65:24

Anzana bɛbaasu bɛfrɛ ne po, né mama mmuayɛɛ, na begu so bedwudwo ne po, né matie.

Yeremia 2:23

Ɔyɛ sɛɛ ati bɔ ɛkã kyɛ, “Me nwo ogguale fiɛ, mangɔanni Baal mɔ asi” ɔ? Nea w’atee bɔ ɔla bɔnza ne anu ne; nwu nikyee bɔ yeɛ ayɔ ɔ, afupɔngɔ akrɔngrɔma bɔ ye nwo yɛ nyera bɔ ohuru pepe ɔ,

Yeremia 2:35

ɛnwa, ‘Medi be, amba, ɔngɔfɛ me so yaa.’ Afei ɔnate kyɛ ahã kyɛ, ‘Nnyɔle bɔne’ ne ati, mebaabua wɔ ndɛen.

Yeremia 3:13

Wɔ de, de w’amumuyɛɛ to nu, kyɛ ayɛ AWURADE wɔ Nyameɛ nwo lɔen, afa wɔ ɔdɔ ama ɛwɔfoɛ mɔ wɔ bakaa monɛ biala abo, na ɛmɔandie me noa dwirɛ, AWURADE noa dwirɛ ɛne.

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Lewitikɔso 5:5

Sɛ ebie nwu kyɛ odi ɛhemɔ biala nwo fɔ a, odi kyɛ ɔka sɔ bɔne bɔ wayɔ ne wɔ badwa nu,

Malaki 3:8

Aso odi kyɛ sona di Nyameɛ ndurum anaa? Nakoso ɛmɔ de, ɛmɔdi me ndurum. Na ɛmɔbisa kyɛ, ‘Atee beni aso yeɛ yɛdi wɔ ndurum ɔ?’ Ɛmɔdi ye wɔ buru nu ngyɛmuɛ ko ɔne afɔleɛbɔlɛ nu.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Luka 7:47

Yiti mekã mekyire wɔ, ye bɔne worawora ne, bafa bahyɛ ye, ofikyɛ wala ɔdɔ piri paa ali. Nakoso sona bɔ bafa bɔne kãa bie bahyɛ ye ne, ɔdɔ kãa bie yeɛ ɔye ye ali ɔ.”

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Yosua 7:19

Na Yosua sele Akan kyɛ, “Mma, fa animnyam ma AWURADE Yisrael Nyameɛ, ná ka nahorɛ wɔ ye nyunu. Nikyee bɔ ayɔ ne, ka kyire me kekesaala ye. Nnɛfa fea me.”