Edwein 32:10 - AHYERƐLƐ KRONGRON

¹⁰ Amaneɛ pee yeɛ ɔtoto bɔnefoɛ ɔ, nakoso sona bɔ ɔfa ye nwo to AWURADE so ne de, AWURADE ɔdɔ bɔ onni ngasi ne, ɔpɛ ye nwo bra yia.

Edwein 32:10 Iomraidhean Croise

Edwein 11:6

Ɔkɔtɔ see ne sɔfe kogua bɔnefoɛ so; mvrama hyerɛhyerɛ yeɛ ɔkɔfa kotua bɛ kerɛ ɔ.

Edwein 140:11

Sona bɔ ɔkekã mmenia nwo dwirɛ ne, nnɛma oyie ye yé wɔ aseɛ ne aso, ma musue oli patapaaniɛ si yerɛlɛlɛlɛ!

Edwein 146:5

Sona bɔ ye bokafoɛ ole Yakob Nyameɛ, bɔ ye wora wura AWURADE ye Nyameɛ nu ne, onya saleɛ.

Edwein 147:11

na mmom AWURADE nye gye bɛ bɔ besuro ye ɔ nwo, bɛ bɔ bɛfa bɛ nwo bɛto ye ɔdɔ bɔ onni ngasi ne aso ne.

Edwein 16:4

Bɛ bɔ bɛso nyameɛ foforɛ mɔ ne de, bɛtwetwe aworabɔlɛ pee bɛbrɛ bɛ nwo; mengɔbɔ mogya anonneɛ afɔleɛ mengɔma sɔ nyameɛ foforɛ nemɔ, yeɛ mengɔbɔ bɛ dumaa mengɔsɔne bɛ.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 34:8

Ao, baafa wɔ nwo bɔ AWURADE nea, na ekonwu kyɛ AWURADE te paa; sona bɔ ɔnwati ɔkɔfea ye nu ne, onya saleɛ.

Edwein 40:4

Sona bɔ ɔfa ye wora owura AWURADE nu ne, onya saleɛ; sɔ sona ne, ɔmva ye nwo ndo anwomasoɛfoɛ so, ɔne bɛ bɔ bedi makyebu bɛkɔso mmosoen mɔ ɔ bɛ so.

Edwein 5:12

Ofikyɛ AWURADE, eyira sona bɔ ɔtengyɛ ɔ, ɛfa adom ɛpɛ ye nwo yia kyɛ akokyɛm.

Edwein 84:12

Ao Asafo AWURADE, ebiala bɔ ye wora wura wɔ nu ne, onya saleɛ.

Anyandera 13:21

Musue foa bɔnefoɛ, nakoso teneneefoɛ de, saleɛ te b’akatuaa.

Anyandera 16:20

Sona bɔ ɔdwene edwirɛ nwo yé ne, oyie ye yé, yeɛ bɔ ɔfa ye wora wura AWURADE nu ne, onya saleɛ.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Yesaya 57:21

Bɔnefoɛ ye so anu ngodwo ye, me Nyameɛ noa dwirɛ ɛne.”

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.