Edwein 30:7 - AHYERƐLƐ KRONGRON

⁷ Ao AWURADE, ɔnate kyɛ ɛlole me ne ati, ɛmane me bo timuni serɛserɛ kyɛ bokaa; nakoso ɛyele wɔ nye feale me ne, me kunu tetele me.

Edwein 30:7 Iomraidhean Croise

YOB NWOMAA NE 10:12

Ama me ngoa, yeɛ aye ɔdɔ pindinn ali ahyire me, na ɛnealɛ bɔ ɛnea me so ne yeɛ ɔbɔ me sunzum nwo waen ɔ.

Edwein 10:1

Ao AWURADE, nzu ati yeɛ aagyina dedeede sɔa ye? Nzu ati yeɛ amaneɛnwunɛ mmerɛ nu, afa wɔ nwo afea ye?

Edwein 102:10

ɔnate wɔ ɛyaafɛlɛ ne w’ahonehulɛ ne ati; ofikyɛ apagya me afindi me ato.

Edwein 104:29

Sɛ ɛye wɔ nye fea bɛ a, bɛ kunu te bɛ, sɛ etua bɛ nwomeɛ a, bewuwu, na besa bɛkɔ bɛ mvuture nu.

Edwein 143:7

Ao AWURADE, yɛ ndɛ bua me; me sunzum wora abɔ. Nnɛye wɔ nye fea me; ɔba ye sɔ a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 30:5

Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

Edwein 40:2

Ɔyele me fili ewue kumaa nu, ɔyele me fili asaa nu, na ɔfale me gya siesiele nyɔbotaen so mane me gya bo tindimuni.

Edwein 44:3

Nna bɛ bɔbɔ bɛ ngrandɛ yeɛ bɛfa bɛhone belele aseɛ ne ɔ, yeɛ nna bɛ bɔbɔ b’anwoserɛ yeɛ ɔmaa belili ngonim ɔ; na mmom wɔ sa famaa ne, w’anwoserɛ ne, ɔne wɔ nyunu kanea bɔ ɔbokale bɛ ne ɔ, ofikyɛ ekuro bɛ dwirɛ.

Edwein 5:12

Ofikyɛ AWURADE, eyira sona bɔ ɔtengyɛ ɔ, ɛfa adom ɛpɛ ye nwo yia kyɛ akokyɛm.

Edwein 89:17

Wɔ yeɛ ɛte b’anwoserɛ animnyam ɔ, na w’adom yeɛ ɔmaa yɛdi ngonim ɔ.

Yesaya 38:17

Amba, me yeeyɛlɛ ti yeɛ nwuni amaneɛ piri ɔ. Ɛnate wɔ ɔdɔ so aye me kra afi ewue kumaa nu, ofikyɛ agyi me bɔne amukoraa agua wɔ si dɔ.

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’