Edwein 30:2 - AHYERƐLƐ KRONGRON

² Ao AWURADE, me Nyameɛ, nzu mvrɛle wɔ kyɛ ɛboka me, na asa me anwonyerɛ.

Edwein 30:2 Iomraidhean Croise

Gyenesise 20:17

Afei Abraham srɛle Nyameɛ, na Nyameɛ sale Abimɛlɛke ne ɔye ne ye afaneɛ mɔ anwonyerɛ, na afei bɛhora bɛwowole.

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

Edwein 118:18

AWURADE ahwe me so paa, nakoso wamva me wanwura ewue sa.

Edwein 145:1

Me Nyameɛ ne me Hene, ngɔkamvo wɔ, na ngɔhyɛ wɔ dumaa animnyam afebɔɔ.

Edwein 147:3

Ɔkyekye bɛ bɔ bɛ wora abɔ ɔ wora, na ɔteta bɛ ngena nu.

Edwein 35:24

Ao AWURADE me Nyameɛ, gyina wɔ tenenee so bua me be, na nnɛmaa bedi me nwo ahurusi.

Edwein 41:12

Ɔnate me nahorɛlilɛ ti, atira me nu, na afa me atena wɔ nyunu afebɔɔ.

Edwein 51:8

Maa nde ahurusi ne anigye dwirɛ, mmowue bɔ agorɔgorɔ bɛ ne, maa beli ahurusi.

Edwein 6:2

Ao AWURADE, nwu me anwumvoin, ofikyɛ menwu amaneɛ. Ao AWURADE, sa me anwonyerɛ, ofikyɛ me mmowue nu tutu me.

Edwein 88:13

Nakoso ao AWURADE, wɔ yeɛ mesu mefrɛ wɔ ɔ, na me mbaeɛ dwu wɔ nyunu ngyerɛmɔ.

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”