Edwein 30:11 - AHYERƐLƐ KRONGRON

¹¹ Ama m’aworabɔlɛlilɛ wakakyi ahurusililɛ; aye me nwo ɛsɛen tena ne agua berɛ, na afa anigye ahera me,

Edwein 30:11 Iomraidhean Croise

Gyenesise 37:35

Na ye mma mmienzua mukoraa ne ye mma mmrasua mukoraa bɔle mmɔden kyɛ bɛkɔkyekye ye wora, nakoso wambene. Yakob sele kyɛ, “Méfa aworabɔlɛ mépo mma ne wɔ ɛborɔ.” Na ye baba suni ye paa.

Gyenesise 45:28

Na Yisrael sele kyɛ, “Ɔte nahorɛ, mma Yosef tɛ te ase; ngɔhɔ ngoonwu ye koraka né mawu.”

2 Samuel 6:14

Dawide fale ye anwoserɛ amukoraa gole abilie wɔ AWURADE nyunu. Né Dawide afa ɔsɔfo ataadeɛ bɔ ɔte nwera ɔ wapɛ ye bo.

2 Aberɛso Dwirɛ 20:12

Ao yɛ Nyameɛ, aso engotua bɛ so kerɛ? Ofikyɛ ɛlɔen piri ye bɔ bɛbaafa koɛ bɛtoa yɛ ye, yɛngɔhora bɛ nyunu gyina. Yɛnnwu bɔ yɛyɔ ɔ, yiti wɔ yeɛ yɛ nye la wɔ so ɔ.”

2 Aberɛso Dwirɛ 20:3

Né Yehosafate suro, yiti osũ frɛle AWURADE, na ɔhyehyɛle akɔngyere wɔ Yuda maen amukoraa nu.

2 Aberɛso Dwirɛ 20:9

‘Sɛ amaneɛ bie te kyɛ koɛ, ewue anwonyerɛ, anaa ɛhɔen kandinga to yɛ a, yɛkogyina awuro ye anyunu ne wɔ nyunu, ofikyɛ wɔ dumaa la awuro ye aso, na sɛ yɛsu yɛfrɛ wɔ wɔ y’amaneɛnwunɛ nu a, ekotie yɛ, ná apepɛ ale yɛ.’

Nehemia 8:10

Yeɛ osele bɛ kyɛ, “Ɛmɔhɔ beeli naen bɔ walɔ ɔ, ná ɛmɔno nzaa bɔ ɔyɛ fɛɛ ɔ. Bɛ bɔ belle bie ne, ɛmɔɔma bɛ bie, ofikyɛ ɛnɛ kyẽa ye, ɔte krongron ma y’AWURADE. Nnɛmɔma ɛmɔ wora bɔ, ofikyɛ AWURADE nu anigye yeɛ ɔte ɛmɔ anwoserɛ ɔ.”

Ɛseta 9:22

kyɛ bɛte ngyẽa bɔ Yudafoɛ bɛperele benyane asomdwee befili bɛ pɔfoɛ mɔ sa nu ɔ, kyɛ ɔte bosome bɔ b’aworabɔlɛ kakyili anigye, bɔ b’esuɛ kakyili nwomelelɛ ɔ. Ɔnwa, odi kyɛ betu besie berɛ bɛfa bɛyɛ ɛpoentolɛ ne anigye ngyẽa, ngyẽa bɔ bɛkɔhyehyɛ bɛ nwo bɛ nwo aleɛ, ná bahyɛ ehiafoɛ mɔ koso nningyein ɔ.

Edwein 149:3

Odi kyɛ bɛfa abilie bɛye ye dumaa ayɛ, odi kyɛ bɛfa akasaa ne adengum bɛto ye nwo dwein.

Edwein 150:4

Ɛ́mɔfa akasaa ne abilie bɛ́ye ye ayɛ; ɛ́mɔfa sangoo ne awɛen bɛ́ye ye ayɛ!

Edwein 27:7

Ao AWURADE, sɛ mesu mefrɛ wɔ a, tie me, nwu me anwumvoin, ná tie me sufrɛ!

Edwein 30:5

Ofikyɛ ye ɛyaafɛlɛ ndena berɛ ngyɛ, na ye anwumvoinnwunɛ wɔ berɛ ma sona mmerɛ bɔ sona ne te ase amukoraa. Sona poro moen kɔngɔen amukoraa, nakoso aleɛ kye a, onya anika.

Edwein 4:7

Afa anigye awura m’ahone nu atra mmerɛ bɔ b’aburoo ne bɛ nzaa sonene pee ne.

Nworɛ Dwirɛhanɛniɛ 3:4

esuɛ le ye mmerɛ, yeɛ ɛserelɛ le ye mmerɛ, awuyebɔlɛ le ye mmerɛ, yeɛ abiliegolɛ le ye mmerɛ;

Yesaya 25:3

Yiti maen maen anwoserɛfoɛ bɛkɔhyɛ wɔ animnyam, na maen maen atianuserɛfoɛ, bɛ kuro ne kosuro wɔ.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yeremia 31:4

Ao Yisrael ababunu, ngosa ngɔma wɔ bo kotimu, na wɔ bo kotimu. Ekosa kɔfa w’akasaa ne kosiesie wɔ nwo, na ɛkɔfa ahurusililɛfoɛ b’abilie kosi nu kɔhɔ.

Yeremia 52:33

Yiti Yehoakyin puropurole ye kuku nu ndaadeɛ ne guale, na mmerɛ amukoraa bɔ né ɔte ase ne, né ɔne Ewile Merodake yeɛ bɛtena poen nwo bedidi ɔ.

Luka 15:22

Yeɛ ye baba ne sele ye ngoaa nemɔ kyɛ, ‘Ɛmɔhã bɛ nwo bɛɛfa ataadeɛ paa beewura ye; ɛ́mɔfa pɛteaa bewura, ná ɛ́mɔfa mbaboa bewura ye;

Yohane 16:20

Nahorɛ nu paa, mekã mekyire ɛmɔ kyɛ: Ɛmɔkosu ná ɛmɔabɔ awuye, nakoso wiase koli ahurusi; na ɛmɔ de, ɛmɔ wora kɔbɔ, nakoso ɛmɔ aworabɔlɛ ne kɔkakyi ahurusililɛ.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.