Edwein 3:4 - AHYERƐLƐ KRONGRON

⁴ Ndeane nu nzu mvrɛle AWURADE, na otiele me sufrɛ fili ye bokaa krongron ne aso. Sela

Edwein 3:4 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Edwein 119:114

Wɔ yeɛ ɛte m’afealeɛ ne m’akokyɛm ɔ; mefa me wora mewura wɔ dwirɛ ne anu.

Edwein 138:3

Kyẽa bɔ nzu mvrɛle wɔ ne, etiele me sufrɛ, na ɛmane me kra hɔle so nyane anwoserɛ.

Edwein 18:3

AWURADE bɔ ɔfata ayɛyelɛ ne, ye yeɛ mesu mefrɛ ye ɔ, na ɔpepɛ de me fi me pɔfoɛ mɔ sa nu.

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 27:6

Afei ɔmaa medi ngonim wɔ me pɔfoɛ mɔ bɔ bapɛ me nwo bayia ɔ so, ná ngɔfa esebɔlɛ ngɔbɔ afɔleɛ wɔ ye tena sua ne anu. Ngɔto anigye dwein ngɔye AWURADE ayɛ.

Edwein 28:7

AWURADE te m’anwoserɛ ne m’akokyɛm, ye yeɛ me nye la ye so ɔ; yiti ɔboka me, na me nye gye. Ngɔfa me dweintolɛ ngɔla ye ase.

Edwein 34:4

Mbenane AWURADE si atee, na obuale me, na ɔpepɛ lele me fili nikyee bɔ mesuro biala ɔ nu.

Edwein 34:6

Sɔ anwumvoinniɛ he, osuni, na AWURADE tiele ye sufrɛ, ná ɔpepɛ lele ye fili ye amaneɛ amukoraa nu.

Edwein 43:3

Ao, soma wɔ kanea ne, ɔne wɔ nahorɛ ne maa beli me nyunu; maa bɛfa me bɛbra wɔ bokaa krongron ne aso, ɔne w’atenaleɛ berɛ.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Edwein 84:12

Ao Asafo AWURADE, ebiala bɔ ye wora wura wɔ nu ne, onya saleɛ.

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Edwein 99:9

Ɛ́mɔkamvo AWURADE yɛ Nyameɛ ne, ná ɛ́mɔsɔne wɔ ye bokaa krongron ne aso, ofikyɛ AWURADE yɛ Nyameɛ ne, ɔte krongron.

Anyandera 2:7

Ɔfa nworɛ bɔ nu pi ɔ osie ma teneneefoɛ, ɔte akokyɛm ma bɛ bɔ bɛ bra te sannwuu ɔ;

Yesaya 65:24

Anzana bɛbaasu bɛfrɛ ne po, né mama mmuayɛɛ, na begu so bedwudwo ne po, né matie.

Awuye 3:56

Atie me sufrɛ, nnɛtuatua wɔ so wɔ me mbaeɛ ne me suɛ nwo.

Mateo 7:7

“Ɛ́mɔbisa, na ɛmɔ sa kɔha ye; ɛmɔpena, na ɛmɔkonwu ye; ɛ́mɔbɔ nu, na bekobukye ɛmɔ.

Yakobo 5:13

Ɛmɔ nu bie onwu amaneɛ anaa? Maa ɔbɔ mbaeɛ. Ebie nye agye anaa? Maa ɔto ayɛyelɛ dwein.