Edwein 29:3 - AHYERƐLƐ KRONGRON

³ Yɛte AWURADE komvi wɔ asue nemɔ aso, animnyam Nyameɛ ɔbobɔ nu kurudududu, AWURADE bobɔ nu wɔ asue mbiri mbiri nemɔ aso.

Edwein 29:3 Iomraidhean Croise

YOB NWOMAA NE 36:33

Nu bɔlɛ kurudududu ne, odi ye nwo adanzeɛ, na ngaka po bɛse kyɛ mvrama piri baatu.

YOB NWOMAA NE 40:9

Aso ele tumi kyɛ Nyameɛ deɛ, wɔ komvi kɔhora kɔbɔ nu kurudududu kyɛbɔ ye deɛ ɔbɔ nu ne?

Edwein 104:3

Wɔ sua mbuna mɔ, begyigyi nzue mɔ so, ɛfa munungum yɛ wɔ teaseɛnam, na mvrama ye ndaa so yeɛ ɛnate ɔ.

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Ɛksadɔso 9:28

Yiti ɛ́mɔsrɛ AWURADE bɛma ɔyakyi, ofikyɛ agralaa ne asukɔtwea nyɔboɛ sɔa de, ɔbo yɛ so. Ngɔma ɛmɔ kɔhɔ, na ɛmɔngɔtena wa ko.”

Ɛksadɔso 9:33

Mose fili Faro awuro berɛ, ofili kuro ne anu, ɔtrɛle ye sa nu srɛle AWURADE, na agralaa ne asukɔtwea nyɔboɛ ne yakyili, na esue ne andɔ angua aseɛ ne aso ko.

Yohane 12:29

Na ɛlɔen bɔ né begyigyi berɛ ne, bɛtele sɔ dwirɛ nen, bɛhane kyɛ, “Agralaa ne abɔ nu kurudududu.” Yeɛ ebiemɔ koso hane kyɛ, “Abɔfo adwudwo ahyire ye.”

Asomafoɛ 7:2

Na Setefano buale kyɛ, “Aliɛmaa mɔ ne me baba mɔ, ɛ́mɔtie me! Animnyam Nyameɛ ne ɔyele ye nwo ali hyirele yɛ nana Abraham mmerɛ bɔ né ɔwɔ Mesopotamia ne, koraka yeɛ ɔbaahɔ kɔtena Haran ɔ,

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 16:18

Na agralaa tetele, komviɛ bie wale, ɔbobɔle nu kurudududu; na aseɛwosolɛ kandinga wale, bɔ ofi mmerɛ bɔ mmenia wale aseɛ so ɔ, aseɛwosolɛ piri sɔa ebie ɔwwale le ɔ.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.

Nyekyire 4:5

Na agralaa ne komviɛ ahoroɔ ne nu bobɔlɛ kurudududu fili ahennie bia ne anu wale. Na see nganea nzoo bɔ bɛte Nyameɛ Sunzum nzoo ne, né begye wɔ ahennie bia ne anyunu berɛ.

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.

1 Samuel 7:10

Na Samuel gu so ɔbɔ naen yeralɛ afɔleɛ nen, Filistifoɛ pingyele Yisraelfoɛ kyɛ bɛ ne bɛ baaho. Nakoso AWURADE bɔle nu kurudududu serɛserɛ guale Filistifoɛ so sɔ kyẽa ne mane bɛ nye so tanene, na ɔmane Yisraelfoɛ huhuni bɛ.