Edwein 29:2 - AHYERƐLƐ KRONGRON

² Animnyam bɔ ɔfata AWURADE dumaa ne, ɛ́mɔfa bɛ́ma ye; ɛ́mɔsɔne AWURADE wɔ animnyam krongron nu.

Edwein 29:2 Iomraidhean Croise

2 Aberɛso Dwirɛ 20:21

Na ɔne maen ne bɛhɔle agyina beyiele ne, ɔyele mmenia bɔ beli koɛhonɛfoɛ nemɔ anyunu bɛ́to dwein bɛ́ye AWURADE ayɛ wɔ animnyam krongron nu kyɛ, “Ɛ́mɔye AWURADE ayɛ, ofikyɛ ye ɔdɔ bɔ onni ngasi ne, ɔwɔ berɛ daa.”

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Edwein 90:17

Mesrɛ kyɛ AWURADE yɛ Nyameɛ adom ne ɔbra yɛ so, ma yɛ sa noa adwuma ɔ́yɛ yee ɔ́ma yɛ. Ao, ma yɛ sa noa nnwumaa ɔ́yɛ yee!

Edwein 96:6

Anidie ne animnyam wɔ ye nyunu, na tumi ne nyemene wɔ ye nekaa krongron berɛ.

Edwein 97:9

Ofikyɛ AWURADE, wɔ yeɛ ɛte Anwuro Anwuroniɛ paa wɔ aseɛ amukoraa so ɔ; ɛte totohyia tra nyameɛ mɔ amukoraa.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.