Edwein 28:3 - AHYERƐLƐ KRONGRON

³ Nnɛfa me fra bɔnefoɛ ne nzɛmmɔnefoɛ ɛtwe me so. Bɛ yeɛ bɛkã asomdwee nwo dwirɛ bekyire bɛ mmango, nakoso bɔne yeɛ ɔwɔ bɛ ti anu ɔ.

Edwein 28:3 Iomraidhean Croise

Edwein 10:14

Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 10:7

Ɛnomalɛ, nnakannaka ne anwunanwuna ayi ye noa nu to, na ye temverema bo te nzɛmmɔne ne amumuyɛɛ.

Edwein 12:2

Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Edwein 141:4

Nnɛmaa mekakyi m’adwene mekɔ bɔne nwo, nnɛmaa mefa me nwo mebɔ amumuyɛɛfoɛ, nnɛfa mefa bɔne meyɛ me nwo buru ne nnu, nnɛmaa medi b’akɔnnɔdeɛ ne bie.

Edwein 26:9

Nnɛpra me kra boka bɔnefoɛ so, yeɛ nnɛpra me ngoa fra kodiawufoɛ so,

Edwein 36:4

Ɔla ye bɛen so a, nzɛmmɔne yeɛ osusu ye nwo ɔ; wape bɔne atee so, na ongyi bɔne.

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Edwein 62:4

Bɛ botaeɛ ala ole kyɛ bekotu ye bekofi bia so ɔ. Bɛ nye gye ngondombo nwo; bɛfa bɛ noa beyira sona, nakoso bɛ ti anu de, bɛnoma ye. Sela

Edwein 7:14

Nea, amumuyɛɛniɛ ɔnwonzɛ bɔne, ɔnwonzɛ musue, na ɔwo ngondombo.

Mika 3:5

Ngɔmhyɛlɛfoɛ bɔ bɛma me maen di makyebu, bɔ ɛma bɛ aleɛ maa bedi a bɛkekã kyɛ, “Asomdwee oo, asomdwee oo”, nakoso sɛ ebie amma bɛ aleɛ maa banni a, bɛfa koɛ bɛtoa ye ne, bɔ AWURADE kã fa bɛ nwo ɛne.

Numeri 16:26

Mose sele maen ne kyɛ, “Ɛmɔhwe ɛmɔ nwo befi amumuyɛɛfoɛ hemɔ b’ɛtena sua nemɔ anwo. Nnɛmɔma ɛmɔ nwo ka bɛ nikye fee; anyɔ a, ɔnate bɛ bɔne amukoraa ti AWURADE konua ɛmɔ aboso.”

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”