Edwein 28:2 - AHYERƐLƐ KRONGRON

² Tie me sufrɛ wɔ aberɛ bɔ mesu mefrɛ wɔ mepena mmokalɛ ye, wɔ aberɛ bɔ mema me sa so mekɔ anwuro mefa mekyire wɔ nekaa krongron paa berɛ ne.

Edwein 28:2 Iomraidhean Croise

1 Ahemvo 6:19

Nekaa krongron ne, osili ye wɔ sua ne kunu dɔ paa, kyɛ ɔfa AWURADE apam alaka ne sie dɔ.

1 Ahemvo 6:5

Osisili sua fa batale sua ne fasue ne nwo bra yiale, maa ɔfale pumbu bɔ ɔwɔ ye kunu dɔ ne ɔne nekaa krongron ne anwo, na ɔhyehyɛle pumbu mɔ wurawurale nu.

1 Ahemvo 8:38

angorangora biala, anaa wɔ maen Yisrael amukoraa, sɛ b’amaneɛ ne b’aworabɔlɛ ma bɛ nye ba bɛ nwo so, maa ɔnate so bɛtengyɛ bɛ sa bɛfa bekyire sua ye aso a, kyɛ bɛ sufrɛ biala oo, kyɛ bɛ mbaeɛ biala oo,

2 Aberɛso Dwirɛ 6:13

Né Solomon ayɔ kɔɔbere simbini wasie awuro n’aluo berɛ. Ye tendenn nu te agyirɛ nnu, ye tɛtrɛtɛɛ nu te agyirɛ nnu, na ofi ye aseɛnwo bɔ ɔkwaadwu ye anwuro ne, ɔte agyirɛ nza. Ogyinane so, obuli ndwerɛ wɔ so wɔ Yisrael maen ne amukoraa bɛ nyunu, na ɔtrɛtrɛle ye sa nu hyirele nyameɛso.

Edwein 125:5

Nakoso mmenia bɔ bedi makyebu bɛfa b’atee bɔ ɔndengyɛ so ne de, AWURADE kɔfa bɛ kɔfra amumuyɛɛfoɛ so kɔfoa bɛ kofi berɛ. Asomdwee ɔ́tena Yisrael!

Edwein 130:2

AWURADE, tie me mbaeɛ! Yɛ asoɛ ná tie me, tie me sufrɛ.

Edwein 134:2

Ɛ́mɔma ɛmɔ sa so behyire nekaa krongron berɛ, ná ɛ́mɔye AWURADE ayɛ.

Edwein 138:2

Mebɔ me nu ase mefa me nye mekyire w’asɔneyɛɛ sua krongron ne, na mefa asennaa mema wɔ dumaa, ɔnate wɔ ɔdɔ bɔ onni ngasi ne wɔ nahorɛlilɛ ne ati; ofikyɛ apagya wɔ dumaa ne wɔ dwirɛ maa batra nikyee biala.

Edwein 140:6

Nzele AWURADE kyɛ, “Wɔ yeɛ ɛte me Nyameɛ ɔ; ao AWURADE, yɛ asoɛ tie me sufrɛ.”

Edwein 141:1

Ao AWURADE, mesu mefrɛ wɔ; yɛ ye ndɛ baaboka me; sɛ mesu mefrɛ wɔ a, tie me sufrɛ.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Edwein 143:6

Metrɛ me sa nu mekyire wɔ; wɔ nwo nzuhɔen ku me kra kyɛ aseɛ bɔ wayɛ wosee ɔ. Sela

Edwein 5:7

Nakoso, ɔnate wɔ ɔdɔ bɔ onni ngasi ne ati, ngɔwa w’awuro; ɔnate kyɛ mesuro wɔ ne ati, ngɔfa me nye ngohyire w’asɔneyɛɛ sua krongron ne ngɔsɔne wɔ.

Edwein 63:4

Yiti mmerɛ bɔ nde ngoa nu ye, ngɔye wɔ ayɛ, na ngɔma me sa so ngɔbɔ mbaeɛ wɔ wɔ dumaa nu.

Awuye 2:19

Dwɔso, tea nu kɔngɔen: abunnamu ahyɛaseɛ, hwie wɔ sufrɛ ne kyɛ nzue fa to AWURADE nyunu. Ma wɔ sa so kyire ye, ɔnate wɔ mma mmaa mmaa mɔ bɛ ngoa ti; bɛ yeɛ ɛhɔen apɛ bɛ wɔ borɔnoɛ biala ngwandaa ɔ.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Daniel 6:11

Yeɛ sɔ mmenia nemɔ bɛboale bɛ noa, na beenwuni Daniel kyɛ ɔbɔ mbaeɛ ɔfa ye abisadeɛ ɔto ye Nyameɛ nyunu ɔ.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.