Edwein 27:6 - AHYERƐLƐ KRONGRON

⁶ Afei ɔmaa medi ngonim wɔ me pɔfoɛ mɔ bɔ bapɛ me nwo bayia ɔ so, ná ngɔfa esebɔlɛ ngɔbɔ afɔleɛ wɔ ye tena sua ne anu. Ngɔto anigye dwein ngɔye AWURADE ayɛ.

Edwein 27:6 Iomraidhean Croise

Gyenesise 40:13

kyɛ ódwu ɛlɛsa nen, Faro kɔɔye wɔ kofi kuku nu wa maa ekosa kooli wɔ dibea, na ekosa kosu Faro nzaa kyɛbɔ daa né ɛyɔ ne ala.

Gyenesise 40:20

Ye ɛlɛsa ne aso, né ɔte Faro krakyẽa. Ɔtole poen mane ye mbanyi amukoraa. Na ɔyele nzaasulɛfoɛ so panyi ne paanootonɛfoɛ so panyi ne fili kuku nu maa beegyinane ye mbanyi nemɔ anyunu.

2 Samuel 22:1

Mmerɛ bɔ AWURADE lele Dawide fili ye pɔfoɛ amukoraa sa nu ne Sɔɔlo sa nu ne, Dawide tole dwein he yele AWURADE ayɛ.

2 Samuel 22:49

ye bɔ ode me fi me pɔfoɛ mɔ sa nu ɔ; bɛ bɔ bedwɔso betia me ne, wɔ yeɛ ɛma me so maa bewura me bo ɔ, na ede me fi mmenia bɔ awosii wɔ bɛ ti anu ɔ bɛ sa nu.

2 Samuel 7:9

Magyina wɔ si wɔ nekaa biala bɔ ɛhɔle ɔ, maprapra wɔ pɔfoɛ amukoraa mafi w’atee nu, na mapagya wɔ dumaa maa wayɛ kyɛ aseɛ ye aso atitirefoɛ bɛ dumaa.

2 Ahemvo 25:27

Bɛhyele Yuda hene Yehoakyin nnure bɛhɔle ne, ye afoɛ aburasa ne nzoo ne anu, bosome buru ne nyɔ ne anu, kyẽa bɔ ɔtɔ so aburanyɔ ne nzoo ne aso, afoɛ bɔ Babilɔn hene Ewile Merodake lili hene ne ala, ɔyele Yuda hene Yehoakyin fili kuku nu.

1 Aberɛso Dwirɛ 22:18

“AWURADE ɛmɔ Nyameɛ, aso oggyi ɛmɔ si anaa? Maen mɔ bɔ bapɛ ɛmɔ nwo bayia ye, aso ɔmmane asomdwee ɔwwale ɛmɔ ne bɛ b’afia? Ofikyɛ wafa mmenia bɔ bɛte aseɛ ne aso wawura me sa, na AWURADE ne ye mmenia bali aseɛ ne aso ngonim.

Edwein 107:22

Na odi kyɛ bɛbɔ asennaa afɔleɛ, ná bɛfa ahurusi dwein bɛbɔ ye nnwumaa nwo dawure.

Edwein 110:7

Ɔkɔno atee noa asue nu nzue. Ye sɔ ati, ɔkɔma ye ti so.

Edwein 119:108

Ao AWURADE, de m’ayɛyelɛ afɔleɛ ne to nu, ná kyirekyire me wɔ nhyehyɛleɛ ne.

Edwein 138:5

Amba, bɛkɔto AWURADE atee mɔ nwo dwein, ofikyɛ AWURADE animnyam te piri.

Edwein 21:1

Ao AWURADE, w’anwoserɛ ne ati ɛhene ne nye gye; na wɔ ngoalelɛ ne ati, nea kyɛbɔ osi di ahurusi paa ɔ!

Edwein 21:13

Ao AWURADE, gyina w’anwoserɛ so ma wɔ nwo so! Yɛkɔto dwein yɛkɔye wɔ tumi ne ayɛ.

Edwein 3:3

Nakoso ao AWURADE, wɔ yeɛ ɛte m’akokyɛm, m’animnyam ne me worakyekyelɛniɛ ɔ.

Edwein 3:4

Ndeane nu nzu mvrɛle AWURADE, na otiele me sufrɛ fili ye bokaa krongron ne aso. Sela

Edwein 47:1

Amaenmaen amukoraa, ɛ́mɔbɔ ɛmɔ sa nu; ɛ́mɔbɔ se bɛto Nyameɛ nwo ahurusi dwein.

Edwein 57:8

M’animnyam, tingye! Sangoo ne adengum, ɛ́mɔtingye! Me koso ngotingye alebahyene.

Edwein 81:1

Nyameɛ bɔ ɔte y’anwoserɛ ne, ɛ́mɔtea nu bɛto ye nwo dwein; ɛ́mɔfa ahurusi bɛbɔ Yakob Nyameɛ ne nwo ese.

Edwein 95:1

Ɛmɔbra maa yɛto dwein yɛye AWURADE ayɛ; ɛ́mɔma yɛ́fa ahurusi yɛ́bɔ yɛ ngoalelɛ nyɔbotaen ne nwo ese!

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yeremia 31:7

Ofikyɛ AWURADE nwa nyoo: “Ɛ́mɔfa anigye bɛ́to Yakob nwo dwein, ná ɛ́mɔbɔ ese bɛ́ma bɔ odi maen maen mɔ so ne; ɛ́mɔbɔ dawure, ɛ́mɔye ye ayɛ, ná ɛmɔhã kyɛ, ‘Ao AWURADE, pepɛ de wɔ maen, Yisrael ngaa ne.’

Yeremia 33:11

ahurusililɛ nwo nga, anigye nwo nga, atɔmvorɛ biaa nwo nga, yeɛ atɔmvorɛ braa nwo nga; yeɛ bɛ bɔ bɛto dwein bɛfa ayɛyelɛ afɔleɛ bɛba AWURADE awuro berɛ ɔ, bɛ nga kyɛ, Ɛ́mɔye Asafo AWURADE ayɛ, ofikyɛ AWURADE te paa, na ye ɔdɔ bɔ onni ngasi ne, ɔwɔ berɛ afebɔɔ!’ Ofikyɛ bɛ bɔ bahye bɛ nnure bafi aseɛ ye aso bahɔ ne, ngosa ngɔfa bɛ ngɔwa, kyɛ daa ne ala, AWURADE noa dwirɛ ɛne.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Hebrifoɛ 13:15

Yiti mmerɛ biala ɛ́mɔma yɛ́fa ayɛyelɛ yɛyɛ afɔleɛ yɛfa Yesu so yɛma Nyameɛ, na ɛhe te yɛ noa afɔleɛ bɔ yɛfa yɛhyɛ ye dumaa animnyam ɔ.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,