Edwein 27:5 - AHYERƐLƐ KRONGRON

⁵ Ofikyɛ ɔfa me sie ye afealeɛ ne anu wɔ amaneɛnwunɛ mmerɛ nu; ɔfa me fea ye tena sua afealeɛ ne anu, na ɔfa me gyina nyɔbotaen so.

Edwein 27:5 Iomraidhean Croise

2 Aberɛso Dwirɛ 22:12

Ɔfale Yoase feale Nyameɛ awuro berɛ afoɛ nzia. Sɔ mmerɛ ne, né Atalia yeɛ obu maen ne ɔ.

Edwein 10:1

Ao AWURADE, nzu ati yeɛ aagyina dedeede sɔa ye? Nzu ati yeɛ amaneɛnwunɛ mmerɛ nu, afa wɔ nwo afea ye?

Edwein 119:114

Wɔ yeɛ ɛte m’afealeɛ ne m’akokyɛm ɔ; mefa me wora mewura wɔ dwirɛ ne anu.

Edwein 138:7

Ɔwɔ nu kyɛ mefa amaneɛ nu de, nakoso ɛbɔ me ngoa nwo waen. Ɛtengyɛ wɔ sa fa tia me pɔfoɛ mɔ b’ɛyaafɛlɛ, na wɔ sa famaa ne yeɛ ɔpepɛ de me ɔ.

Edwein 17:8

Bɔ me nwo waen kyɛ sona nye kyiremvua; fa me fea wɔ ndaa ne abo fɔnwoo ne anu.

Edwein 18:33

Ɔma me gya boso yɛ nyera kyɛ kɛtɛbɔɔ, na ɔmaa megyina pindinn wɔ mmokaa so.

Edwein 31:20

Wɔ natelɛ bɔ ɛne bɛ nate ne, ɔbɔ bɛ nwo waen fi mmenia bɛ porɛ bɔ babɔ ɔ nwo; ɛfa wɔ ndaa butu bɛ so ede bɛ fi ngɔngɔnzaafoɛ sa nu.

Edwein 31:21

Animnyam hã AWURADE, ofikyɛ waye ye ɔdɔ bɔ onni ngasi ne ali wahyire me, mmerɛ bɔ me nwo hyerele me kyɛ kuro bɔ batua ye ɔ ne.

Edwein 40:2

Ɔyele me fili ewue kumaa nu, ɔyele me fili asaa nu, na ɔfale me gya siesiele nyɔbotaen so mane me gya bo tindimuni.

Edwein 40:3

Ɔfale edwein foforɛ tuale me noa, ɔte yɛ Nyameɛ nwo ayɛyelɛ dwein. Mmenia pee konwu ye ná basuro, ná bafa bɛ wora bawura AWURADE nu.

Edwein 46:1

Nyameɛ te yɛ nwo ɛwaenbɔlɛ ne y’anwoserɛ, bokafoɛ paa bɔ opingye yɛ wɔ amaneɛnwunɛ mmerɛ nu ɔ.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 61:2

Sɛ m’abasa nu bu a, mvi aseɛ noa dɔ yeɛ mesu mefrɛ wɔ ɔ. Di me nyunu fa me kɔ nyɔbotaen bɔ ɔwale tra me ne anwo,

Edwein 61:3

ofikyɛ wɔ yeɛ ɛte m’afealeɛ ɔ, abandenden serɛserɛ bɔ ɔko tia me pɔfoɛ ɔ.

Edwein 77:2

M’amaneɛnwunɛ mmerɛ nu, mepena AWURADE si atee; sɛ odwu kɔngɔen a, metrɛtrɛ me sa nu bɔ me sa onnya ɔ; me kra mbene so kyɛ bɛkɔkyekye ye wora ɔ.

Edwein 83:3

Bɛbɔ wɔ maen nwo nwandanwona porɛ, na bɛkɔ mmenia bɔ ɛbɔ bɛ nwo waen ne nwo agyina tɛɛ.

Edwein 91:1

Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Yesaya 26:20

Me maen, bra, baawura wɔ pumbu mɔ nu, ná toto wɔ nwo anoa nu; fa wɔ nwo fea kãa kɔpem kyɛ ahonehulɛ ne kɔtɔ nzue nu ɔ.

Yesaya 32:2

Bɛ nu biala kɔyɛ kyɛ afealeɛ bɔ mvrama tu a sona fea nu ɔ, nekaa bɔ mvrama piri tu a sona bɔ ye nwo waen ɔ, kyɛ aseɛ wosee so asue bɔ ɔtengyɛ ɔ, kyɛ aseɛ pralaa so nyɔbotaen piri bo fɔnwoo ne.

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Kolosefoɛ 3:3

Ofikyɛ ɛmɔawu, na bafa ɛmɔ ngoa ne Kristo basie Nyameɛ nu.